മലയാളം ക്ലാസില്‍ അധ്യാപകന്‍ : കിട്ടുന്നതുവരെ പരിശ്രമം.. കിട്ടിയാല്‍ പിന്നെ വിശ്രമം... ഇതിനൊരു ഉദാഹരണം പറയാമോ രഘുവിന്‌ ?
രഘു: സര്‍ക്കാര്‍ ഉദ്യോഗം.
ജോസ്‌: ഇപ്പോള്‍ പെണ്‍കുട്ടികളാരും പ്രേമിക്കുന്നില്ലെന്നാണ്‌ തോന്നുന്നത്‌.
മാത്യു: അതെന്താ ?
ജോസ്‌: ഞാന്‍ പലരേയും പ്രേമിക്കാന്‍ സമീപിച്ചെങ്കിലും ആരും അതിനു തയ്യാറായില്ല !!
ചാക്കോച്ചന്‍ പത്രം വായിക്കുകയായിരുന്നു: അഞ്ജുവിന്‌ മുംബൈയില്‍ സ്വര്‍ണ്ണം ലഭിച്ചു....
ഇത്‌ കേട്ട അമ്മൂമ്മ: അവളെന്തിനാ സ്വര്‍ണ്ണം വാങ്ങാന്‍ മുംബൈ വരെ പോയത്‌... നമ്മടെ ജോര്‍ജ്ജ്‌ കുട്ടീടെ സ്വര്‍ണ്ണക്കടേ കിട്ടത്തില്ലായിരുന്നോ !!
മോശമായ വേഷം ധരിച്ച വഴിപോക്കനെ മോഷ്ടാവെന്ന്‌ സംശയിച്ച്‌ പൊലീസ്‌ ചോദ്യം ചെയ്യുകയായിരുന്നു
പൊലീസുകാരന്‍: എടാ നിന്‍റെ പേരെന്താ ?
വഴിപോക്കന്‍: ഒന്നാം നമ്പരില്‍ കുട്ടപ്പായീന്നു വിളിക്കും. അഞ്ചാം നമ്പരിലാണെങ്കില്‍ അരക്കിറുക്കനെന്നും.. പക്ഷേങ്കി... അയലോക്കത്തൊള്ളോരൊക്കെ പുളു പപ്പൂന്നാ വിളിക്കുന്നത്‌... പിന്നെ സാറിനിഷ്ടമുള്ളത്‌ വിളിക്കാം !!
