തിര്ന്നവര്ക്കുള്ള
വ്യത്യസ്ത സിനിമകളിലൂടെ ശ്രദ്ധേയരായ മൂന്നു ഹോളിവുഡ് സംവിധായകര്
കൂട്ടികളുടെ പ്രിയപ്പെട്ട കഥാപാത്രങ്ങള്ക്ക് പുതിയ ദൃശ്യവ്യാഖ്യാനം
നല്കിയിരിക്കുന്നു. വിഖ്യാതനായ ഹോളിവുഡ് സംവിധായകരുടെ
കുട്ടികള്ക്കായുള്ള മൂന്നു സമകാലിക സിനിമയെക്കുറിച്ച്.
കോഴിയെ പിടിക്കാനിറങ്ങുന്ന സൂത്രശാലിയായ കുറുക്കനെക്കുറിച്ചും
മാതാപിതാക്കളോട് പിണങ്ങി വീടുവിട്ടിറങ്ങുന്ന കുറുമ്പുകാരനായ
കുട്ടിയെക്കുറിച്ചെല്ലാമുള്ള കുട്ടിക്കഥകള് ഇന്നും
ജിവസ്സുറ്റുനില്ക്കുന്നത് നിരന്തരമായി അവയ്ക്കുണ്ടാകുന്ന
നവഭാഷ്യങ്ങളിലൂടെയാണ്. ഹോളിവുഡിന്റെ മുഖ്യധാരയില് നിന്ന്
വേറിട്ടുനടക്കുന്ന സിനിമകളിലൂടെ ശ്രദ്ധേയരായ മൂന്നു സംവിധായകര്
കുട്ടികള്ക്കായി ഒരുക്കിയ സിനിമകള് വ്യത്യസ്തമാകുന്നത് കുട്ടിക്കഥകളുടെ
ബൗദ്ധികമായ പുനര്വായനകളിലൂടെയാണ്.
'റഷ്മോര്', 'ലൈഫ് അക്വാറ്റിക് വിത് സ്റ്റീവ് സിസ്സു', 'ഡാര്ജിലിങ്
ലിമിറ്റഡ്' എന്നീ സിനിമകളിലൂടെ ശ്രദ്ധേയനായ വെസ് ആന്ഡേഴ്സണ് ഒരുക്കിയ
'ദ ഫന്റാസ്റ്റിക് മിസ്റ്റര് ഫോക്സ്', ഹോളിവുഡിലെ പുതിയനിര
തിരക്കഥാകൃത്തുക്കളില് വ്യത്യസ്തനായ ചാര്ളി കോഫ്മാന്റെ രചനയില് 'ബീയിങ്
ജോണ് മാല്ക്കോവിച്ച്', 'അഡാപ്റ്റേഷന്' എന്നീ സിനിമകള് സംവിധാനം ചെയ്ത
സ്പൈക്ക് ജോണ്സിന്റെ 'വേര് ദ വൈല്ഡ് തിങ്സ് ആര്', 'എദ്വാര്ഡ്
സിസര്ഹുന്ഡ്സ്' മുതല് 'സ്വീനി ടോഡ്' വരെയുള്ള വിചിത്ര പ്രമേയങ്ങളുള്ള
സിനിമകളാല് ശ്രദ്ധേയനായ ടീം ബര്ട്ടന്റെ 'ആലീസ് ഇന് വണ്ടര് ലാന്ഡ്'
എന്നീ സിനിമകള് കുട്ടികള്ക്കുള്ള പ്രമേയങ്ങളില് ഹോളിവുഡ് നടത്തുന്ന
പരീക്ഷണങ്ങള്ക്ക് തെളിവുനല്കുന്നവയായിരുന്നു.
പ്രമുഖ അവാര്ഡുകള് നേടിയെടുക്കുന്നതില് 'അപ്പി'നോടും ആകര്ഷണീയമായ
വ്യത്യസ്തതയില് 'കൊറാലി'നോടും ഈ സിനിമകള് പരാജയപ്പെടുന്നുണ്ടെങ്കിലും
വിഖ്യാത സംവിധായകര് കുട്ടികളുടെ ലോകങ്ങള്ക്ക് നല്കിയ
ദൃശ്യവ്യാഖ്യാനങ്ങള് എന്ന നിലയില് ഇവ ശ്രദ്ധ അര്ഹിക്കുന്നുണ്ട്.ബോക്സ്
ഓഫീസില് വന്വിജയമായില്ലെങ്കിലും വെസ് ആന്ഡേഴ്സണ് സംവിധാനം ചെയ്ത
'ഫന്റാസ്റ്റിക് മിസ്റ്റര് ഫോക്സാ'ണ് കുട്ടികള്ക്കായി പുതിയ
ദൃശ്യസാധ്യതകള് അന്വേഷിക്കുന്നതില് മികച്ചുനില്ക്കുന്നതെന്ന് പറയാം.
റോള്
ഡാലിന്റെ രചനയെ അടിസ്ഥാനമാക്കി, സ്റ്റോപ്പ് ആനിമേഷന്റെ സാധ്യതകള്
ഫലപ്രദമായി ഉപയോഗിച്ച് ഒരുക്കിയ ഈ സിനിമ സൂത്രശാലിയായ കുറുക്കന്റെ
കഥയ്ക്ക് തികച്ചും സമകാലികമായ ദൃശ്യവ്യാഖ്യാനമാണ് നല്കുന്നത്. ഡാലിന്റെ
രചനയുടെ പിന്ബലത്തെ അതിലംഘിച്ചുകൊണ്ട് ചലച്ചിത്രഭാഷയുടെ പുതിയ
മേഖലകളിലേക്ക് പ്രവേശിക്കാന് ആന്ഡേഴ്സന് ഈ ചലച്ചിത്രത്തിലൂടെ
സാധിച്ചിട്ടുണ്ട്. ത്രീഡി സാങ്കേതിക ഫാന്റസി സിനിമകളുടെ അനിവാര്യതയായി
മാറുമ്പോള് സ്റ്റോവ് ആനിമേഷന്റെ പരിമിത പരിധിയില് പലപ്പോഴും
ത്രിമാനത്വത്തെ തന്നെ ഉപേക്ഷിച്ചുകൊണ്ടാണ് ആന്ഡേഴ്സന്, കുറുക്കന്
കഥയ്ക്ക് ദൃശ്യമാനങ്ങള് നല്കുന്നത്.
ഒരു കുറുക്കനും അത്യാര്ത്തിക്കാരും വൃത്തികെട്ടവന്മാരുമായ മൂന്നു
കര്ഷകരും തമ്മിലുള്ള ഏറ്റുമുട്ടലുകളാണ് ഈ സിനിമയുടെ പ്രമേയം. കര്ഷകരുടെ
താറാവിനെ മോഷ്ടിക്കാനിറങ്ങി കെണിയിലകപ്പെടുമ്പോള്, ഇനി മുതല്
മോഷണപരിപാടി അവസാനിപ്പിക്കാമെന്ന് ഗര്ഭിണിയായ ഭാര്യയ്ക്ക് കുറുക്കന്
വാഗ്ദാനം നല്കുന്നിടത്താണ് ഈ സിനിമ ആരംഭിക്കുന്നത്. പിന്നീട് പത്രത്തില്
കോളമെഴുത്തുകാരനായി ജീവിതം നയിക്കുന്ന കുറുക്കനു തന്റെ വന്യതയുടെ വഴികളെ
കൈവിടാനാവുന്നില്ല. മോഷണം പ്രമേയമാവുന്ന സിനിമകളുടെ മികച്ച മാതൃകകള്ക്ക്
പ്രണാമം അര്പ്പിക്കുന്ന രീതിയില് 'മിസ്റ്റര് ഫോക്സ്' പിന്നീടങ്ങോട്ട്
കുറുക്കന്റെ മോഷണങ്ങളും അവയ്ക്കുള്ള കര്ഷകരുടെ തിരിച്ചടികളും എന്ന
രൂപത്തില് അതിവേഗമാര്ജിക്കുന്നു.