ദക്ഷിണാഫ്രിക്കയില് നടക്കുന്ന ലോകകപ്പ് തന്റെ കരിയറിലെ അവസാന
ലോകകപ്പായിരിക്കുമെന്ന് ഇംഗ്ലണ്ട്
താരം സ്റ്റീവന് ജെറാര്ഡ്. ഇംഗ്ലണ്ട് ടീമിലെ മിക്ക താരങ്ങളും അടുത്ത ലോകകപ്പില് ഉണ്ടാകില്ലെന്നും ജെറാര്ഡ്
പറഞ്ഞു. ഈ മാസം അവസാനത്തില് മുപ്പതാം
പിറന്നാള് ആഘോഷിക്കുന്ന ജെറാര്ഡിന് കൂടുതല് കാലം ദേശീയ ജേഴ്സി അണിയാന് കഴിയില്ല.
അവസാന ലോകകപ്പിനുള്ള ഒരുക്കങ്ങള് തുടങ്ങി കഴിഞ്ഞു. തന്റെ
കരിയറില് മികച്ച പ്രകടനം കാഴ്ചവയ്ക്കാനുള്ള
അവസാന അവസരമാണിത്. ഇംഗ്ലണ്ടിന് വേണ്ടി ലോകകപ്പ് കിരീടം നേടാനാകുമെന്നാണ് പ്രതീക്ഷയെന്നും
ജെറാര്ഡ് പറഞ്ഞു. ലോകകപ്പിനുള്ള ഇംഗ്ലീഷ്
താരങ്ങളെല്ലാം മികച്ച പരിചയസമ്പന്നരാണെന്നും ജെറാര്ഡ് പറഞ്ഞു. ടീമില് യുവാക്കളും വയസ്സന്മാരുമുണ്ട്. ഇവരെല്ലാം
ക്ലബ് തലത്തില് മികച്ച പ്രകടനം
കാഴ്ചവയ്ക്കുന്നവരാണെന്നും അദ്ദേഹം പറഞ്ഞു.
അതേസമയം, ലിവര്പൂള് പ്ലേമേക്കറും നായകനുമായ സ്റ്റീവന്
ജെറാര്ഡ് ഈ സീസണില് മാഞ്ചസ്റ്റര്
സിറ്റിയിലേക്ക് കൂടുമാറിയേക്കുമെന്ന് സൂചന. 40
മില്യണ് പൌണ്ടാണ് സിറ്റി ജെറാര്ഡിന്
വാഗ്ദാനം ചെയ്തിരിക്കുന്നത്. ജെറാര്ഡിനെ
സ്വന്തമാക്കാനുള്ള
നീക്കവുമായി മുന്നോട്ടു പോകാന് സിറ്റി ഉടമ ക്ലബ് അധികൃതര്ക്ക് പച്ചക്കൊടി കാട്ടിയതാണ് സൂചന.