ചമ്മന്തി

തേങ്ങാചുട്ട ചമ്മന്തി

ചേരുവകള്‍

ഉണക്ക തേങ്ങ -അരമുറി
വറ്റല്‍മുളക് -3
പുളി -അല്പം
ഉപ്പ് -പാകത്തിന്
ചുവന്നുള്ളി -6

പാകം ചെയ്യുന്ന വിധം

തേങ്ങയുടെ ചിരട്ടകളഞ്ഞ് കനലില്‍ ചുട്ടെടുക്കുക.മുളകും ചുട്ടെടുക്കണം.ചുട്ടെടുത്ത തേങ്ങ ചെറു കഷണങ്ങള്‍
ആക്കുക.മുളക്,തേങ്ങ,പുളി,ഉപ്പ്,ഉള്ളി എന്നിവ യഥാക്രമം അരച്ചെടുത്ത് നന്നായി ഇളക്കി യോജിപ്പിച്ച്
ഉപയോഗിക്കാം.

ഉഴുന്നുചമ്മന്തി

ചേരുവകള്‍

സാമ്പാര്‍ പരിപ്പ് ,കടലപരിപ്പ് -4 ടേബിള്‍സ്പൂണ്‍
ഉഴുന്ന് -2 ടേബിള്‍സ്പൂണ്‍
കായപ്പൊടി -അര ടീസ്പൂണ്‍
മുളക് -6
ഉപ്പ് -പാകത്തിന്
വെളിച്ചെണ്ണ -ആവശ്യത്തിന്

പാകം ചെയ്യുന്ന വിധം

സാമ്പാര്‍ പരിപ്പ്,കടല പരിപ്പ് ,കായം,വറ്റല്‍മുളക്,എന്നിവ മൂപ്പിച്ച് ഉപ്പും ചേര്‍ത്ത് പൊടിച്ചെടുക്കുക.
ആവശ്യത്തിന് വെളിച്ചെണ്ണ ഒഴിച്ച് ചാലിച്ച് ദോശയ്ക്കും ഇഡ്ഡലിയ്ക്കുമൊപ്പം ഉപയോഗിക്കാം.

ചുവന്നുള്ളി ചമ്മന്തി

ചേരുവകള്‍

ചുവന്നുള്ളി -10
വറ്റല്‍മുളക് -5
ഉപ്പ് -പാകത്തിന്
വെളിച്ചെണ്ണ -2 ടീസ്പൂണ്‍

പാകം ചെയ്യുന്ന വിധം

മുളക് ചുട്ടെടുക്കുക.ഉള്ളിയും മുളകും ഉപ്പും കൂടി അരച്ചെടുക്കുക.നന്നായി അരയരുത്.എണ്ണ ചൂടാകുമ്പോള്‍
ഈ മിശ്രിതമിട്ട് മൂപ്പിച്ചെടുക്കുക.

വെളുത്തുള്ളി ചമ്മന്തി

ചേരുവകള്‍

പിരിയന്‍ മുളക് -6
വെളുത്തുള്ളി -8 അല്ലി
ഉപ്പ് -പാകത്തിന്
വെളിച്ചെണ്ണ -1 ടീസ്പൂണ്‍

പാകം ചെയ്യുന്ന വിധം

മുളക് കനലില്‍ ചുട്ടെടുക്കുക.ഇത് ഉപ്പും വെളുത്തുള്ളിയും ചേര്‍ത്ത് കരുകരുപ്പായി അരയ്ക്കുക.വെളിച്ചെണ്ണയില്‍ ചാലിച്ച് ഉപയോഗിക്കാം.

വെള്ള ചമ്മന്തി

ചേരുവകള്‍

1. തേങ്ങ -1 കപ്പ്
   
2. പച്ചമുളക് -3
   
3. ഇഞ്ചി -1 കഷണം
   
4. ഉപ്പ് -പാകത്തിന്
   
5. കറിവേപ്പില -1 കതിര്‍പ്പ്
   
6. ചുവന്നുള്ളി -3 ചുള
   

പാകം ചെയ്യുന്ന വിധം

തേങ്ങയും പച്ചമുളകും ഇഞ്ചിയും ഉള്ളിയും ചേര്‍ത്ത് നന്നായി അരച്ചെടുക്കുക.കറിവേപ്പില ചതച്ചുചേര്‍ത്തു
ഉപയോഗിക്കാം.

പച്ചമുളക് ചമ്മന്തി

ചേരുവകള്‍

1. പച്ചമുളക് -10
   
2. ചുവന്നുള്ളി -10
   
3. വെളുത്തുള്ളി -4 അല്ലി
   
4. ഉപ്പ് -പാകത്തിന്
   
5. വെളിച്ചെണ്ണ -2 ടേബിള്‍ സ്പൂണ്‍
   

പാകം ചെയ്യുന്ന വിധം

മുളകും ചുവന്നുളിയും വെളുത്തുള്ളിയും ഉപ്പ് ചേര്‍ത്ത് കരുകരുപ്പായി അരച്ചെടുക്കുക.വെളിച്ചെണ്ണയില്‍
ചാലിച്ച് ഉപയോഗിക്കാം .പുഴുക്കുകലോടൊപ്പം ഉപയോഗിക്കാന്‍ പറ്റിയ ചമ്മന്തി ആണത്.

ചമ്മന്തിപ്പൊടി

ചേരുവകള്‍

തേങ്ങ -1
മുളകുപൊടി - 1 ടേബിള്‍സ്പൂണ്‍
വറ്റല്‍മുളക് -6
പുളി -പാകത്തിന്
ഉപ്പ് -പാകത്തിന്

പാകം ചെയ്യുന്ന വിധം

തേങ്ങ തിരുമ്മിയെടുത്തു ചുവക്കെ വറക്കുക.കായവും മൊരിച്ചെടുക്കണം.ചൂടാക്കിയ മുളകും കായവും കൂടി
ആദ്യം പൊടിച്ചെടുക്കുക.ഉഴുന്നുപരിപ്പും വേണമെങ്കില്‍ അല്പം ഇതിനോടൊപ്പം ചേര്‍ക്കാം.തേങ്ങയും
ഇടിച്ചെടുത്തു പുളിയും ചേര്‍ത്ത് എല്ലാം കൂടി ചേര്‍ത്തിളക്കി പാത്രത്തിലാക്കി ഉപയോഗിക്കാം.

ഉപ്പുമാങ്ങാ ചമ്മന്തി

ചേരുവകള്‍

ഉപ്പുമാങ്ങ -1
തേങ്ങ - 1 കപ്പ്
പച്ചമുളക് -3
ഇഞ്ചി -1 കഷണം

പാകം ചെയ്യുന്ന വിധം

ഉപ്പുമാങ്ങ അണ്ടികളഞ്ഞ് കഷണങ്ങള്‍ ആക്കിയെടുക്കുക.തേങ്ങയും പച്ചമുളകും ഇഞ്ചിയും അരച്ചെടുക്കുക.
മാങ്ങാ കഷണങളും ഇതോടൊപ്പം അരയ്ക്കുക.ഉപ്പ്‌ ആവശ്യമുണ്ടെങ്കില്‍ ചേര്‍ക്കുക.

തേങ്ങ ചമ്മന്തി

ചേരുവകള്‍

തേങ്ങ -അരമുറി
വറ്റല്‍മുളക് -3
ചുവന്നുള്ളി -5 ചുള
ഉപ്പ് -പാകത്തിന്
കറിവേപ്പില -1 കതിര്‍പ്പ്
നാരകത്തില -അല്പം
പുളി -അല്പം

പാകം ചെയുന്ന വിധം

വറ്റല്‍ മുളക് കനലില്‍ ചുട്ടെടുക്കുക.തേങ്ങ തിരുമ്മി വെയ്ക്കുക.ആദ്യം വറ്റല്‍മുളക് അരയ്ക്കുക.പിന്നിട്
തേങ്ങ,ഉപ്പ്,ചുവന്നുള്ളി,പുളി,നാരകത്തില,കറിവേപ്പില എന്ന ക്രമത്തിലരച്ചു നന്നായി യോജിപ്പിച്ചശേഷം
ഉരുട്ടിയെടുക്കുക.

മാങ്ങ ചമ്മന്തി

ചേരുവകള്‍

മാങ്ങ -1
തേങ്ങ -അര മുറി
വറ്റല്‍മുളക് -3
ഉലുവ -അര ടീസ്പൂണ്‍
ഉപ്പ് -പാകത്തിന്
ശര്‍ക്കര -ഒരു ചെറിയ കഷണം
വെളിച്ചെണ്ണ -1 ടേബിള്‍സ്പൂണ്‍
കടുക് -അര ടീസ്പൂണ്‍

പാകം ചെയ്യുന്ന വിധം

മാങ്ങ ചെറിയ കഷണങ്ങള്‍ ആക്കുക.മുളക് എണ്ണയില്‍ വറുത്തെടുക്കുക.ഉലുവയും ചെറുതായി മൂപ്പിച്ച്
എടുക്കണം.മാങ്ങയും മൂപ്പിച്ച് എടുക്കണം.മാങ്ങയും മുളകും ഉലുവയും തേങ്ങയും ഉപ്പും ശര്‍ക്കരയും
നന്നായി അരച്ചെടുക്കുക.എണ്ണയില്‍ കടുക് പൊട്ടിച്ച് ചമ്മന്തിയില്‍ ചേര്‍ത്തിളക്കുക.