അമ്മാവന്
എന്റെ കാര്യങ്ങളില് ഇടപെടാറില്ല. പറയുന്നതു മരുമകന് ഇമ്രാന് ഖാന്.
ബോളിവുഡിലെ സക്സസ്ഫുള് നടനും ഫിലിംമേക്കറുമൊക്കയാണെങ്കിലും അമ്മാവന്
അമീര് ഖാന് തന്റെ ഒരു കാര്യത്തിലും ഇടപെടാറില്ലെന്നാണു യങ് സെന്സേഷന്
ഇമ്രാന് പറയുന്നത്. ഇമ്രാന്റെ എല്ലാ കാര്യങ്ങളും നോക്കുന്നതു
അമീറാണെന്ന ആരോപണത്തിനൊരു മറുപടി. എന്നാല് ഒരു വ്യക്തിയെന്ന നിലയില്
അമീര് തന്നെ സ്വാധീനിച്ചിട്ടുണ്ടെന്നും ഇമ്രാന് വ്യക്തമാക്കുന്നു.
പഠിക്കേണ്ട ചില നല്ലവശങ്ങള് അമീറിനുണ്ടെന്നാണു ഇമ്രാന്റെ അഭിപ്രായം.
അമീര് മാമു(ഇമ്രാന് വിളിക്കുന്നതങ്ങനെയാണ്) എപ്പോഴും പറയും, ഞാന്
എന്റെ തെറ്റുകളിലൂടെയാണു പഠിക്കുന്നത്. അതായിരിക്കും തനിക്കു നല്ലതെന്നു
അമീര് വിശ്വസിക്കുന്നുവെന്നു ഇമ്രാന്. ഒരിക്കലും തെറ്റായ മാര്ഗത്തില്
പോവുന്നയാളല്ല അമീര്. എപ്പോഴും ശരിയായ കാര്യങ്ങള് ചെയ്യണമെന്നാണ്
അദ്ദേഹം ആഗ്രഹിക്കുന്നത്. രാത്രി എത്ര വൈകിയാലും നോ എന്ട്രി
സോണിലൂടെയല്ല, ഏറ്റവും ദൈര്ഘ്യമേറിയ വഴിയിലൂടെയേ അമീര് സഞ്ചരിക്കൂ.
അല്പ്പം സിംബോളിക്കായി അമ്മാവനെ പ്രശംസിക്കാനും ഇമ്രാന് മറന്നില്ല. ഐ
ഹേറ്റ് ലവ് സ്റ്റോറീസ് എന്ന ചിത്രമാണു ഇമ്രാന്റേതായി പുറത്തിറങ്ങാന്
ഒരുങ്ങുന്നത്.
രണ്ടുപേരും സിനിമാലോകത്തു നിറഞ്ഞു നില്ക്കുന്നുവെങ്കിലും, അമീറും
ഇമ്രാനും ഒരുമിച്ചു കാണുമ്പോള് സിനിമയെക്കുറിച്ചു ഡിസ്കസ് ചെയ്യാറില്ല.
അതൊരു കുടുംബക്കൂട്ടായ്മ മാത്രം. കുടുംബകാര്യങ്ങള് മാത്രമേ
വിഷയമാകാറുള്ളൂ. ഇന്നേവരെ അമീറിന്റെ സെറ്റുകളില് പോയിട്ടില്ല, ഒരു
റോളിനു വേണ്ടി എങ്ങനെ അദ്ദേഹം പ്രിപ്പയര് ചെയ്യുന്നുവെന്നതും
കണ്ടിട്ടില്ല. അമീറിനെ അനുകരിക്കുകയാണെന്ന ഒരാരോപണം ഉയരാനുള്ള സാധ്യതയും
നേരത്തെ തന്നെ ഇമ്രാന് വേരോടെ വെട്ടിമാറ്റുന്നു. ത്രീ ഇഡിയറ്റ്സ്, രംഗ്
ദേ ബസന്തി, താരേ സമീന് പര്, ദില് ചാഹ്ത്താ ഹെ തുടങ്ങിയവയാണു ഇമ്രാന്
ഇഷ്ടപ്പെട്ട അമീര് ചിത്രങ്ങള്. ആരെയും വെറുപ്പിക്കരുതല്ലോ, സല്മാന്
ഖാനെ പ്രശംസിക്കാനും ഇമ്രാന് മറന്നി