ലോകകപ്പ് ഫുട്ബോള് ഉദ്ഘാടന ചടങ്ങില് ആഫ്രിക്കയുടെ ഇതിഹാസ നായകന് നെല്സണ് മണ്ടേല പങ്കെടുക്കുമോ എന്ന അഭ്യൂഹത്തിന് ഇതുവരെ വിരാമമായിട്ടില്ല. എങ്കിലും ലോകകപ്പ് ഒരിക്കല് കൂടി മണ്ടേലയെ തേടി ചെന്നു. ആറു വര്ഷത്തിനുശേഷം അദ്ദേഹം ആദ്യമായി ലോകകപ്പ് ട്രോഫിയില് സപര്ശിക്കുകയും ചെയ്തു.
ലോക പര്യടനം പൂര്ത്തിയാക്കി ദക്ഷിണാഫ്രിക്കയില് തിരിച്ചെത്തിയ ലോകകപ്പ് ട്രോഫിയാണ് ഫിഫ അധികൃതര് മണ്ടേലയ്ക്ക് മുന്നില് കാഴ്ചവെച്ചത്. പ്രായാധിക്യം മൂലം കഴിഞ്ഞ് കുറേ മാസങ്ങളായി മണ്ടേല പൊതുവേദിയികളിലൊന്നും പ്രത്യക്ഷപ്പെടാറില്ല. അതിനാല് ജൊഹ്നാസ്ബര്ഗിലുള്ള മണ്ടേല ഫൌണ്ടഷന് ഓഫീസിലെത്തിയാണ് ഫിഫ അധികൃതര് ട്രോഫി അദ്ദേഹത്തിന് കൈമാറിയത്.
2004ല് ദക്ഷിണാഫ്രിക്കയ്ക്ക് ലോകകപ്പ് വേദി അനുവദിച്ചപ്പോഴാണ് മണ്ടേല അവസാനമായി കണ്ണീരോടെ ലോകപ്പില് സ്പര്ശിച്ചത്. ദക്ഷിണാഫ്രിക്കയില് തിരിച്ചെത്തിയ ട്രോഫി അദ്യം കാണേണ്ടത് മണ്ടേല തന്നെയാണെന്ന് ഫിഫ ജനറല് സെക്രട്ടറി ജെറോം വാല്ക്കെ പറഞ്ഞു.
ദക്ഷിണാഫ്രിക്ക ലോകകപ്പ് കിരീടം നേടുമെന്ന് മണ്ടേല പ്രത്യാശിച്ചുവെന്നും വാല്ക്കെ പറഞ്ഞു. ലോകകപ്പ് ട്രോഫിയുടെ ദക്ഷിണാഫ്രിക്കന് പര്യടനം ഇന്ന് ആരംഭിക്കും.