കേപ്ടൗണ്നിലവിലെ ലോക ചാംപ്യന്മാരായ ഇറ്റലിയെ പരാഗ്വെ സമനിലയില് തളച്ചു
(11). തുടക്കം മുതല് ആധിപത്യം പുലര്ത്തിയ പരാഗ്വെയ്ക്കായി 39ാം
മിനിറ്റില് ഓര്ലിയാനോ ടോറസിന്റെ പാസ് അന്റോലിന് അല്കാരസ്
അളന്നുകുറിച്ച ഹെഡറിലൂടെ ഇറ്റാലിയന് വലയ്ക്കുള്ളിലെത്തിച്ചു. ഹാഫ് ടൈമിനു
ശേഷം ആക്രമിച്ച കളിച്ച ഇറ്റലി 63ാം മിനിറ്റില് ലഭിച്ച കോര്ണറിലൂടെ മാനം
കാത്തു. പെപെയുടെ കോര്ണര് കൈയിലൊതുക്കാന് മുന്നോട്ടിറങ്ങിയ പരാഗ്വെ
കീപ്പര് വില്ലാറിനു പിഴച്ചു. പന്ത് ഡി റോസിയുടെ ബൂട്ടില് നിന്നു
പരാഗ്വെയുടെ വലയിലേക്ക്.
ആദ്യമത്സരത്തില് ഏറെ പ്രതീക്ഷകളുമായെത്തിയ ഹോളണ്ട്,
ഡെന്മാര്ക്കിനെതിരേ രണ്ടു ഗോള് ജയത്തോടെ ലോകകപ്പിലേക്കു വലതുകാല്
വച്ചു. ഈ ടൂര്ണമെന്റിലെ ആദ്യ സെല്ഫ് ഗോളിനും മത്സരം സാക്ഷ്യം വഹിച്ചു.
രണ്ടാം മത്സരത്തില് ആഫ്രിക്കന് കരുത്തരായ കാമറൂണിനെ
അട്ടിമറിക്കുകയായിരുന്നു ഏഷ്യന് പ്രതിനിധികളായ ജപ്പാന്. സാമുവല് എറ്റൂ
നയിച്ച ടീമിനെതിരേ ദുര്ബലരെന്നു കരുതപ്പെട്ട ജപ്പാന് സ്വന്തമാക്കിയത്
ഏകപക്ഷീയമായ ഒറ്റ ഗോള് ജയം. കെയ്സുകെ ഹോണ്ട സ്കോറര്