മുംബൈ
മഹീന്ദ്ര യുനൈറ്റഡ് എഫ്സി ഇനി ഫുട്ബോള്‍ പ്രേമികളുടെ ഓര്‍മകളില്‍. ഐ ലീഗ് സീസണിലെ അവസാന മത്സരത്തിനിറങ്ങിയ മഹീന്ദ്ര ക്ലബ് ഇനിയൊരു സീസണിനുണ്ടാകില്ല. സ്കൂള്‍ തലത്തില്‍ ഫുട്ബോള്‍ താരങ്ങളെ കണ്ടെത്തി വളര്‍ത്തിക്കൊണ്ടുവരുന്നതില്‍ ശ്രദ്ധിക്കേണ്ടതിനാല്‍ ഈ സീസണ്‍ അവസാനം ക്ലബ് പിരിച്ചുവിടാന്‍ ഉടമസ്ഥര്‍ തീരുമാനിച്ചിരുന്നു.
ജെസിടിക്കെതിരേ അവസാന മത്സരത്തില്‍ 2-1 ന് വിജയിച്ച മഹീന്ദ്രയ്ക്കായി സുഖ്വിന്ദര്‍ സിങ്, പരേഷ് ഷിവാല്‍ക്കര്‍ എന്നിവര്‍ സ്കോര്‍ ചെയ്തപ്പോള്‍ ഹെന്‍റി ഈസെ ജെസിടിയുടെ സ്കോറര്‍. ജയത്തോടെ 41 പോയിന്‍റുമായി മൂന്നാം സ്ഥാനത്തെത്താനും മഹീന്ദ്രയ്ക്കായി. ഇന്ന് എയര്‍ ഇന്ത്യയ്ക്കെതിരേ ചര്‍ച്ചില്‍ ബ്രദേഴ്സ് പരാജയപ്പെട്ടാല്‍ മൂന്നാം സ്ഥാനത്ത് ഫിനിഷ് ചെയ്യാനും മഹീന്ദ്രയ്ക്കാകും.
