വെസ്റ്റിന്‍ഡീസിനെതിരായ ഏകദിന പരമ്പയിലെ മൂന്നാം മത്സരത്തിലും
ദക്ഷിണാഫ്രിക്കയ്ക്ക് ജയം. മൂന്നാം ഏകദിനത്തില്‍
67 റണ്‍സിനാണ് ദക്ഷിണാഫ്രിക്ക വിജയം നേടിയത്. ഇതോടെ
അഞ്ചു മത്സരങ്ങളടങ്ങിയ പരമ്പര 3-0ന് ദക്ഷിണാഫ്രിക്ക സ്വന്തമാക്കി.
ടോസ് നേടി ബാറ്റിംഗ് തെരഞ്ഞെടുത്ത ദക്ഷിണാഫ്രിക്ക
നിശ്ചിത ഓവറില്‍ 224 റണ്‍സിന് പുറത്തായി. എന്നല്‍, മറുപടി ബാറ്റിംഗിനെത്തിയ വെസ്റ്റിന്‍ഡീസ് 157 റണ്‍സിന് എല്ലാവരും പുറത്താകുകയായിരുന്നു. കഴിഞ്ഞ
രണ്ട് മത്സരങ്ങളിലും മികച്ച
ബാറ്റിംഗ് നടത്തിയ ആഫ്രിക്കന്‍ ഓപ്പണര്‍മാര്‍ ഒരിക്കല്‍ കൂടി പ്രകടനം മികച്ചതാക്കി. അസിം ആം‌ല(37) സ്മിത്ത്(29),
കാലീസ്(31), ഡീവില്ലേഴ്സ്(70)
എന്നിവര്‍
മാത്രമാണ് മികച്ച സ്കോര്‍ നേടിയത്.
വിനീഡിന് വേണ്ടി പൊള്ളാര്‍ഡ് മൂന്നും ബ്രാവോ, ബെന്‍ എന്നിവര്‍ രണ്ട് വിക്കറ്റ് വീതവും നേടി. കുറഞ്ഞ സ്കോര്‍ ലക്‍ഷ്യമിട്ട്
ബാറ്റിംഗിനെത്തിയ വിന്‍ഡീസ് ബാറ്റിംഗ്
പെട്ടെന്ന് തകരുകയായിരുന്നു. ഗെയില്‍(16), റിച്ചാര്‍ഡ്സ്(28), ചന്ദ്രപോള്‍(24),
ബ്രോവോ(1), പൊള്ളാര്‍ഡ്(10)
എന്നിവര്‍
പെട്ടെന്ന് പുറത്തായതാണ് വിന്‍ഡീസിനെ
തകര്‍ത്തത്. ആഫ്രിക്കയ്ക്ക് വേണ്ടി മൂര്‍ക്കല്‍ നാലും ലംഗ്‌വെല്‍ത് മൂന്നും വിക്കറ്റ് നേടി.
