ജൊഹന്നാസ്ബര്‍ഗ്
കരുത്തരായ
ഇംഗ്ലണ്ടിനെ അള്‍ജീരിയ ഗോള്‍രഹിത സമനിലയില്‍ തളച്ചു. ആസൂത്രിതമായ ഒരു
നീക്കം നടത്താന്‍ പോലും ഇംഗ്ലണ്ടിനായില്ല. തുടര്‍ച്ചയായ രണ്ടാം
സമനിലയോടെ ഇംഗ്ലണ്ടിന്‍റെ പ്രീ ക്വാര്‍ട്ടര്‍ സാധ്യത മങ്ങി. അള്‍ജീരിയന്‍
പ്രതിരോധത്തില്‍ തട്ടി റൂണി ഉള്‍പ്പെടെയുള്ള ഇംഗ്ലീഷ് താരങ്ങള്‍ക്ക്
ഒന്നും ചെയ്യാന്‍ കഴിയാതെ പോയി. അള്‍ജീരിയന്‍ താരങ്ങള്‍ ഇംഗ്ലീഷ് ഗോള്‍
മുഖത്തേക്കു പല തവണ ഇരച്ചു കയറിയെങ്കിലും ഗോളി ജെയിംസിനു മുന്‍പില്‍
കീഴടങ്ങേണ്ടി വന്നു. റൂണിയും ലംബാര്‍ഡും ജെറാള്‍ഡും ചേര്‍ന്നു പലവട്ടം
ഗോളവസരം സൃഷ്ടിച്ചെങ്കിലും അള്‍ജീരിയന്‍ ഗോളി എല്ലാം പരാജയപ്പെടുത്തി.
ആദ്യ മത്സരത്തില്‍ യുഎസിനോട് 1-1 സമനില സമ്മതിക്കേണ്ടി വന്ന ഇംഗ്ലണ്ടിന്
അള്‍ജീരിയയോട് ഏറ്റ ഗോള്‍ രഹിത സമനില, ലോകകപ്പില്‍ ഇംഗ്ലീഷ് പടയുടെ
ഇനിയുള്ള പ്രയാണത്തെ ദോഷകരമായി ബാധിച്ചേക്കാം
