ബസറ്റര്ക്യാപ്റ്റന് ഗ്രെയിം സ്മിത്തിന്‍റെ 21ാം സെഞ്ച്വറിയുടെ (132) മികവില്‍
വെസ്റ്റിന്‍ഡീസിനെതിരായ രണ്ടാം ക്രിക്കറ്റ് ടെസ്റ്റില്‍
ദക്ഷിണാഫ്രിക്കയ്ക്കു മുന്‍തൂക്കം. ആദ്യ ഇന്നിങ്സില്‍ ദക്ഷിണാഫ്രിക്ക
മൂന്നു വിക്കറ്റ് നഷ്ടത്തില്‍ 296 എന്ന നിലയില്‍.
വെളിച്ചക്കുറവു മൂലം കളി നേരത്തേ അവസാനിപ്പിച്ചു. ഒമ്പതു ബൗണ്ടറിയും
മൂന്ന് സിക്സറുമടങ്ങുന്നതാണ് ദക്ഷിഫ്രിക്കന്‍ ക്യാപ്റ്റന്‍റെ ഇന്നിങ്സ്.
93ലെത്തിയപ്പോള്‍, ടെസ്റ്റില്‍ 7000 തികയ്ക്കുന്ന മൂന്നാം
ദക്ഷിണാഫ്രിക്കക്കാരനാവാനും സ്മിത്തിനായി. അല്‍വിരോ പീറ്റേഴ്സണ്‍ (52),
ജാക്വസ് കാലിസ് (45 നോട്ടൗട്ട്), ഹാഷിം ആംല(44) എന്നിവര്‍ മികച്ച
പിന്തുണനല്‍കി. സ്റ്റീവ് വോയെ പിന്തള്ളിയ കാലിസ് ടെസ്റ്റ് ക്രിക്കറ്റിലെ
റണ്‍വേട്ടയില്‍ ആറാംസ്ഥാനത്തുമെത്തി. കളിനിര്‍ത്തുമ്പോള്‍ കാലിസിനൊപ്പം
എ.ബി. ഡിവില്ലേഴ്സ് (7) ക്രീസില്‍. വിന്‍ഡീസിനുവേണ്ടി ഷെയ്ന്‍
ഷില്ലിങ്ഫോഡ് രണ്ടു വിക്കറ്റുവീഴ്ത്തി.
