ധാംബുളഏഷ്യാ കപ്പ് ക്രിക്കറ്റ് ഫൈനലിന്‍റെ ഡ്രസ് റിഹേഴ്സല്‍ എന്നു
വിശേഷിപ്പിക്കപ്പെട്ട മത്സരത്തില്‍ ഇന്ത്യയ്ക്കെതിരേ ശ്രീലങ്കയ്ക്ക് ഏഴു
വിക്കറ്റ് ജയം. ഇന്ത്യയുയര്‍ത്തിയ 210 റണ്ണിന്‍റെ വിജയലക്ഷ്യം ലങ്ക
അനായാസം മറികടന്നു. സ്കോര്‍: ഇന്ത്യ- 209 (42.3), ലങ്ക- 211/3 (37.3).
ഹാട്രിക്ക് അടക്കം അഞ്ചുവിക്കറ്റെടുത്ത ഫര്‍വീസ് മഹ്റൂഫാണ് ഇന്ത്യയെ
തകര്‍ത്തത്. ആറിന് 189 എന്ന ഭേദപ്പെട്ട നിലയില്‍ നിന്ന് 9ന് 195ലേക്ക്
ഇന്ത്യ കൂപ്പുകുത്തി. 39ാം ഓവറില്‍ രവീന്ദ്ര ജഡേജ, പ്രവീണ്‍ കുമാര്‍,
സഹീര്‍ഖാന്‍ എന്നിവര്‍ മഹ്റൂഫിന്‍റെ ഹാട്രിക് ഇരകള്‍. ദിനേശ്
കാര്‍ത്തിക്(40), രോഹിത് ശര്‍മ(69), നായകന്‍ മഹേന്ദ്ര സിങ് ധോണി(41)
എന്നിവര്‍ ഇന്ത്യയ്ക്കായി തിളങ്ങി. ധോണിയുടെ പുറത്താകലിനു ശേഷമായിരുന്നു
തകര്‍ച്ച.
മറുപടിക്കിറങ്ങിയ ലങ്കയെ ക്യാപ്റ്റന്‍ കുമാര്‍ സംഗക്കാര(73)യും, മഹേല
ജയവര്‍ധനെ(53 നോട്ടൗട്ട്)യും ചേര്‍ന്നു വിജയതീരമണച്ചു. ഓപ്പണര്‍മാരായ
ഉപുല്‍ തരംഗ(38), തിലകരത്നെ ദില്‍ഷന്‍(24) എന്നിവരും ഭേദപ്പെട്ട പ്രകടനം
നടത്തി. സഹീര്‍ഖാന്‍ രണ്ടു വിക്കറ്റെടുത്തു
