ധാംബുള്ളആരാകും ഏഷ്യയിലെ ക്രിക്കറ്റ് രാജാക്കന്മാര്‍. നേട്ടത്തിന്‍റെ ഹാട്രിക്
പൂര്‍ത്തിയാക്കാന്‍ ശ്രീലങ്ക മോഹിക്കുന്നു. 15 വര്‍ഷത്തെ കിരീട
ദാരിദ്ര്യം പരിഹരിക്കാന്‍ ഇന്ത്യയും. ഗ്രൂപ്പ് മത്സരങ്ങളില്‍
ബംഗ്ലാദേശിനെയും പാക്കിസ്ഥാനെയും ആധികാരികമായി തോല്‍പ്പിച്ച ഇന്ത്യ,
അപ്രധാന മത്സരത്തില്‍ ശ്രീലങ്കയോടു ദയനീയമായി തോറ്റു.
ഇന്നത്തെ ഫൈനലില്‍ വീരേന്ദര്‍ സേവാഗിന്‍റെ അഭാവത്തെ ദിനേശ് കാര്‍ത്തിക്ക്
എങ്ങനെ മറികടക്കുന്നു എന്നതിനെ ആശ്രയിച്ചിരിക്കും ഇന്ത്യയുടെ വിജയസാധ്യത.
ആശിഷ് നെഹ്റയും ഹര്‍ഭജന്‍ സിങ്ങും തിരിച്ചെത്തുന്നതോടെ ബൗളിങ് നിര
ശക്തമാകുമെന്നും കരുതാം.
1995ല്‍ ഷാര്‍ജയിലാണ് ഇന്ത്യ അവസാനമായി ഏഷ്യ കപ്പ് നേടുന്നത്
