ചട്നി

വെള്ള ചട്നി

ചേരുവകള്‍

തേങ്ങ തിരുമ്മിയത്‌ - 1 കപ്പ്
ചുവന്നുള്ളി -8
പുളി -ചെറുനെല്ലിക്ക വലിപ്പം
പച്ചമുളക് -6
ഉപ്പ് -പാകത്തിന്
കറിവേപ്പില -4 കതിര്‍പ്പ്

പാകം ചെയ്യുന്ന വിധം

തേങ്ങ തിരുംമിയതും ഉള്ളിയും പച്ചമുളകും ചേര്‍ത്ത് നന്നായി അരച്ചെടുക്കുക.ഇത് ഇഞ്ചി ചെറുതായി
അരിഞ്ഞതും പുളിയും പാകത്തിന് ഉപ്പും ചേര്‍ത്ത് നന്നായി ഇളക്കി യോജിപ്പിക്കുക.ഈ അരപ്പ് കുറച്ചു വെള്ളത്തില്‍ കലക്കുക.ചീനച്ചട്ടിയില്‍ കടുക് വറുത്ത ശേഷം ഈ അരപ്പ് അതിലൊഴിക്കുക.ഇത് നന്നായി തിളപ്പിച്ച്
വാങ്ങി വെയ്ക്കുക.

മുട്ട ചട്നി

സവാള കൊത്തിയരിഞ്ഞത്‌ -4 കപ്പ്
തക്കാളി കൊത്തിയരിഞ്ഞത്‌ -1 കപ്പ്
മുട്ട -3 എണ്ണം
വെളിച്ചെണ്ണ -കാല്‍ കപ്പ്
വെളുത്തുള്ളി -5 അല്ലി
പച്ചമുളക് -3 എണ്ണം
ഉപ്പ് -പാകത്തിന്

പാകം ചെയ്യുന്ന വിധം

ചീനച്ചട്ടിയില്‍ കാല്‍ കപ്പ് എണ്ണയൊഴിച്ച് സവാളയും പച്ചമുളകും വെളുത്തുള്ളിയും വഴറ്റുക.നല്ല മണം വരുമ്പോള്‍ കൊത്തിയരിഞ്ഞ തക്കാളിയും കൂടി ചേര്‍ത്ത് വഴറ്റുക.നന്നായി വഴന്ന് വെള്ളമയം ഇല്ലാതാകുമ്പോള്‍ മുട്ട പൊട്ടിച്ചൊഴിച്ച് ചിക്കി തോര്‍ത്തി ആവശ്യത്തിന് ഉപ്പും ചേര്‍ത്ത് ഉപയോഗിക്കുക.ചപ്പാത്തിക്കും റൊട്ടിക്കും നല്ലൊരു കറിയാണിത്.കൂടാതെ സാന്‍ഡ് വിച്ച് ഉണ്ടാക്കാനും ഇത്
നല്ലതാണ്.

ബീട്രൂട്ട്‌ ചട്നി

ചേരുവകള്‍

ബീട്രൂട്ട്‌ -2 എണ്ണം
തേങ്ങ ചിരകിയത് -1 കപ്പ്
ഉണക്കമുളക് -7 എണ്ണം
ചുവന്നുള്ളി -10 എണ്ണം
കടല -3 ടേബിള്‍സ്പൂണ്‍
കറിവേപ്പില -4 കതിര്‍പ്പ്
ഉപ്പ് -പാകത്തിന്

പാകം ചെയ്യുന്ന വിധം

ചീനച്ചട്ടിയില്‍ എണ്ണ ചൂടാകുമ്പോള്‍ ബീട്രൂട്ട്‌ ചെറിയ കഷണങ്ങള്‍ ആക്കി വഴറ്റുക..പകുതി മൂപ്പാകുമ്പോള്‍
മുളകും ഉള്ളിയും ഒപ്പമിട്ട് വഴറ്റണം.നല്ലപോലെ മൂക്കുമ്പോള്‍ തേങ്ങ ചിരകിയതും കറിവേപ്പിലയുമിട്ട് വഴറ്റണം.
മൂക്കുമ്പോള്‍ വാങ്ങി വെച്ചു പാകത്തിന് ഉപ്പും ചേര്‍ത്തു അരച്ചെടുക്കുക

ടൊമാറ്റോ ചട്നി

ചേരുവകള്‍

തക്കാളി -6
പഞ്ചസാര -അര ടീസ്പൂണ്‍
മുളകുപൊടി -1 ടീസ്പൂണ്‍
കറിവേപ്പില -2 തുണ്ട്
കടുക് -അര ടീസ്പൂണ്‍
ഉപ്പ്,എണ്ണ -ആവശ്യത്തിന്

കടുക് താളിച്ച്‌ തക്കാളി അരച്ചതും മുളകുപൊടിയും ഉപ്പും കറിവേപ്പില അരിഞ്ഞതും ചേര്‍ത്ത് കുറുകുമ്പോള്‍ പഞ്ചസാര ചേര്‍ക്കുക.