ചിക്കന്‍

ചിക്കന്‍ നൂഡില്‍സ്

എല്ലില്ലാത്ത ചിക്കന്‍ വേവിച്ചത് -2 കപ്പ്
സോയാസോസ് -1 ടീസ്പൂണ്‍
വേവിച്ച നൂഡില്‍സ് -100 ഗ്രാം
കാപ്സിക്കം ചെറുതായി അരിഞ്ഞത് - 1 എണ്ണം
സവാള അരിഞ്ഞത് -1 കപ്പ്
ചെറുതായി നീളത്തില്‍ അരിഞ്ഞ കാരറ്റ് -1 കപ്പ്
ചെറുതായി നീളത്തില്‍ അരിഞ്ഞ ഇഞ്ചി -1 ടീസ്പൂണ്‍
ചെറുതായി അരിഞ്ഞ വെളുത്തുള്ളി - 1 ടീസ്പൂണ്‍
എണ്ണയില്‍ വറുത്ത നൂഡില്‍സ് -1 കപ്പ്
ഉപ്പ്,എണ്ണ -പാകത്തിന്
മുളകുപൊടി - ആവശ്യത്തിന്

പാകം ചെയ്യുന്ന വിധം

ചിക്കന്‍ എണ്ണയില്‍ നന്നായി മൂപ്പിച്ച് കോരിയെടുക്കുക.ആ എണ്ണയില്‍ കാപ്സിക്കം,സവാള,ഇഞ്ചി,
വെളുത്തുള്ളി,കാരറ്റ് ഇവ നന്നായി വഴറ്റുക.ഉപ്പ്,സോയാസോസ്,മുളകുപൊടി ഇവ ചേര്‍ത്തിളക്കുക.വേവിച്ച
നൂഡില്‍സ് ചേര്‍ത്ത് വെള്ളം തോര്‍ത്തി ഇറച്ചിയില്‍ ഇട്ട് നന്നായി യോജിപ്പിച്ച് ഒരു പാത്രത്തില്‍ എടുക്കുക.വറുത്ത
നൂഡില്‍സ് ഇതിന്റെ മുകളില്‍ വിതറുക.ഇത് സോസ് കൂട്ടി ചൂടോടെ ഉപയോഗിക്കുക.

മല്ലിയില ചിക്കന്‍

ചേരുവകള്‍

1. ചിക്കന്‍ -500 ഗ്രാം
   
2. മല്ലിയില -150 ഗ്രാം
   
3. തക്കാളി -1
   
4. സവാള -1
   
5. വെളുത്തുള്ളി,ഇഞ്ചി ചതച്ചത് -2 ടീസ്പൂണ്‍
   
6. ഉപ്പ് -പാകത്തിന്
   
7. മഞ്ഞപ്പൊടി -മുക്കാല്‍ ടീസ്പൂണ്‍
   
8. ഗരം മസാല -ഒന്നര ടീസ്പൂണ്‍
   
9. പുളിച്ച തൈര് -2 ടേബിള്‍ സ്പൂണ്‍
   
10. പച്ചമുളക് -3
    
11. പെരുംജീരകം -1 ടീസ്പൂണ്‍
    
12. എണ്ണ -2 ടേബിള്‍ സ്പൂണ്‍
    

പാകം ചെയ്യുന്ന വിധം

ഉള്ളി അരച്ച് കുഴമ്പ് ആക്കുക.തക്കാളി പൊടിയായി അരിഞ്ഞ് ,പച്ചമുളകും ചതച്ചെടുക്കുക.

ഒരു പാത്രത്തില്‍ എണ്ണ ഒഴിച്ച് ചൂടാകുമ്പോള്‍ ജീരകം ചേര്‍ക്കുക.ജീരകം പൊട്ടുമ്പോള്‍ ഉള്ളി,വെളുത്തുള്ളി,ഇഞ്ചി എന്നിവ ചേര്‍ത്ത് വഴറ്റുക.എണ്ണ തെളിയുന്നതുവരെ വഴറ്റുക.അതിനുശേഷം തക്കാളിയും തൈരും ചേര്‍ക്കുക.ഇവ നന്നായി യോജിച്ചു കഴിയുമ്പോള്‍ അതില്‍ കഷണങ്ങളാക്കിയ ചിക്കനും
മല്ലിയിലയും ചേര്‍ത്തിളക്കുക.ഇത് നന്നായി വഴറ്റിയതിനുശേഷം 2 കപ്പ് വെള്ളമൊഴിച്ച് മൂടിവെച്ച് വേവിക്കുക.
വെള്ളം വറ്റിവരുമ്പോള്‍ അടപ്പുതുറന്ന് ചിക്കന്‍ നന്നായി വറുത്തെടുക്കു

ചിക്കന്‍ ഗ്രേവി

ചേരുവകള്‍

1. ചിക്കന്‍ -300 ഗ്രാം
   
2. ഉള്ളി - 1
   
3. ടൊമാറ്റോ -1
   
4. ഗ്രാമ്പു -2
   
5. കറുവപ്പട്ട -2
   
6. ഏലക്ക -2
   
7. ഇഞ്ചിയും വെളുത്തുള്ളിയും കുഴമ്പുപരുവത്തില്‍ -2 ടീസ്പൂണ്‍
   
8. ഗരം മസലാപ്പൊടി -3 ടീസ്പൂണ്‍
   
9. ചിക്കന്‍ മസാലപ്പൊടി -3 ടീസ്പൂണ്‍
   
10. പച്ചമുളക് -3
    
11. മല്ലിപ്പൊടി -3 ടീസ്പൂണ്‍
    
12. കുരുമുളക് -1 ടീസ്പൂണ്‍
    
13. മല്ലിയില,പുതിനയില -കുറച്ച്
    
14. തൈര് -8 ടീസ്പൂണ്‍
    
15. ഉപ്പ് -ആവശ്യത്തിന്
    

പാകം ചെയ്യുന്ന വിധം

ഒരു പാത്രത്തില്‍ എണ്ണ ചൂടാക്കിയിട്ട്‌ അതില്‍ ഉള്ളി,ഗ്രാമ്പു,പട്ട,ഏലക്ക ഇഞ്ചി,വെളുത്തുള്ളി,പച്ചമുളക് എന്നിവ വഴറ്റണം.പിന്നിട് ഇതില്‍ ടൊമാറ്റോ കഷണങ്ങളാക്കിയത്,ചിക്കന്‍ എന്നിവ ചേര്‍ത്ത് വഴറ്റിയിട്ടു മല്ലിയിലയും ഉപ്പും ചേര്‍ക്കണം.അതിനുശേഷം ചെറുതീയില്‍ 40 മിനിട്ട് ചിക്കന്‍ വേവിക്കണം.പിന്നിട് ഗരം മസാലയും,ചിക്കന്‍ മസാലയും,മുളകുപൊടിയും ചേര്‍ക്കണം.അവസാനം തൈര് ചേര്‍ത്ത് ചിക്കന്‍ വാങ്ങി വെയ്ക്ക

ചിക്കന്‍ മന്ഞുരിയന്‍

ചേരുവകള്‍

ചിക്കന്‍ (എല്ലില്ലാത്തത് ) -400 ഗ്രാം
മുട്ട -1
കോണ്‍സ്റ്റാച്ച് -6 ടേബിള്‍സ്പൂണ്‍
ഉപ്പ് -പാകത്തിന്
സോയസോസ് -2 ടേബിള്‍സ്പൂണ്‍
ഉള്ളി -1
വെളുത്തുള്ളി -8,10 അല്ലി
ഇഞ്ചി -2 കഷണം
കാപ്സിക്കം -1
പച്ചമുളക് -3,4
സ്പിംഗ് ഒനിയന്‍ ഗ്രീന്‍സ് -2
എണ്ണ -4 ടേബിള്‍സ്പൂണ്‍
അജിനോമോട്ടോ -കാല്‍ ടീസ്പൂണ്‍
ചിക്കന്‍ സ്റ്റോക്ക് -2 കപ്പ്

പാകം ചെയ്യുന്ന വിധം

കഴുകി വൃത്തിയാക്കിയ ചിക്കന്‍ വിരല്‍ നീളത്തില്‍ അരിയുക.അരിഞ്ഞു വെച്ചിരിയ്ക്കുന്ന ചിക്കനില്‍ മുട്ട,4
ടേബിള്‍സ്പൂണ്‍ കോണ്‍സ്റ്റാച്ച്,പാകത്തിന് ഉപ്പ്,1 ടേബിള്‍സ്പൂണ്‍ സോയസോസ് ഇവ ഇട്ട്‌ ഇളക്കി അര മണിക്കൂര്‍
മറിനേറ്റ് ചെയ്യാന്‍ വെയ്ക്കുക.സവാള നീളത്തില്‍ അരിയുക.വെളുത്തുള്ളി,ഇഞ്ചി ഇവ ചെറുതായി അരിയുക.
കുരു കളഞ്ഞ കാപ്സിക്കം നീളത്തില്‍ അരിയുക.പച്ചമുളക് നീളത്തില്‍ അരിയുക.2 ടീസ്പൂണ്‍ കോണ്‍സ്റ്റാച്ചിനെ
ഒരു കപ്പ് വെള്ളത്തില്‍ കലക്കുക.ഒരു വോക്കില്‍ ആവശ്യത്തിന് എണ്ണയൊഴിച്ച് മറിനേറ്റ് ചെയ്ത് ചിക്കനെ 2-3 മിനിട്ട് വരെ ഡീപ്ഫ്രൈ ചെയ്ത് തുടയ്ക്കുക.വേറെ ഒരു വോക്പാനില്‍ 4 ടീസ്പൂണ്‍ എണ്ണയൊഴിച്ച് അരിഞ്ഞു
വെച്ചിരിയ്ക്കുന്ന വെളുത്തുള്ളിയും ഇഞ്ചിയും ഇട്ടു വഴറ്റുക.അതില്‍ സവാളയും പച്ചമുളകും ചേര്‍ക്കുക.
അതില്‍ 1 ടീസ്പൂണ്‍ സോയസോസ്,അജിനോമോട്ടോ,ചിക്കന്‍ സ്റ്റോക്ക് പാകത്തിന് ഉപ്പും ഇട്ട് തിളപ്പിക്കുക.
കലക്കിയ കോണ്‍സ്റ്റാച്ച് ഒഴിച്ച് കുറുകുന്നതുവരെ ഇളക്കിക്കൊണ്ടിരിയ്ക്കുക. വറുത്തു വെച്ചിരിയ്ക്കുന്ന ചിക്കന്‍ കഷണങളും ,കാപ്സിക്കവും ഇട്ട് അലപനേരം വെയ്ക്കുക.സ്പ്രിംഗ്‌ ഒനിയന്റെ പച്ചഭാഗം ഇട്ട് അലങ്കരിച്ച് ചൂടോടെ സര്‍വ് ചെയ്യാം.
You might also like:

സ്റ്റിര്‍ ഫ്രൈചിക്കന്‍ വിത്ത്‌ വെജിറ്റബിള്‍സ്

ചേരുവകള്‍

1. എല്ലില്ലാത്ത ചിക്കന്‍ കഷണങ്ങള്‍
   

1 ഇഞ്ച് കനത്തില്‍ മുറിച്ചത് -350 ഗ്രാം

2. നാരങ്ങാനീര് -15 മില്ലി ലിറ്റര്‍
3.തൈര് -100 മില്ലി ലിറ്റര്‍
4. കുരുമുളകുപൊടി -2 ടീസ്പൂണ്‍
5. സവാള നീളത്തില്‍ അരിഞ്ഞത് -1
6. കാരറ്റ് അര ഇഞ്ച് കനത്തില്‍ അരിഞ്ഞത്-2 ചെറുത്‌
7. കാപ്സിക്കം നീളത്തില്‍ അരിഞ്ഞത് -1
8. സോയസോസ് -3 ടേബിള്‍സ്പൂണ്‍
9. ടൊമാറ്റോ സോസ് -2 ടേബിള്‍സ്പൂണ്‍
10. ചില്ലി സോസ് -1 ടേബിള്‍സ്പൂണ്‍

പാകം ചെയ്യുന്ന വിധം

ചിക്കന്‍ കഷണങളില്‍ നാരങ്ങാനീര് ,തൈര്,കുരുമുളകുപൊടി,ഉപ്പ് എന്നിവ പുരട്ടി തലേ ദിവസം ഫ്രിഡ്ജില്‍
താഴെത്തട്ടില്‍ വെയ്ക്കുക.പിറ്റേദിവസം എടുത്ത് ബാക്കി സോസുകള്‍ ചേര്‍ത്ത് തണുപ്പ് മാറിയതിനുശേഷം
മൈക്രോവേവില്‍ തുറന്നു വെച്ച് 7 മിനിട്ട് പാകം ചെയ്തതിനുശേഷം മറ്റുള്ള ചേരുവകള്‍ ബാക്കി വരുന്ന ഗ്രേവിയില്‍ ഇളക്കി ചിക്കന്‍ കഷണങളും ചേര്‍ത്ത് 10 മിനിട്ട് ക്രിസ്പില്‍ പാകം ചെയ്തെടുക്കുക.

ഗ്രില്‍ഡ് ചിക്കന്‍

ചേരുവകള്‍

1. ചില്ലിസോസ് -അര കപ്പ്
   
2. വിനാഗിരി -മുക്കാല്‍ കപ്പ്
   
3. മുള്ളങ്കി -അര ടേബിള്‍ സ്പൂണ്‍
   
4. വെളുത്തുള്ളി (രണ്ടായി പിളര്‍ന്നത്) -2
   
5. ഉപ്പ് -1 ടീസ്പൂണ്‍
   
6. കോഴി -4 വലിയ കഷണം
   
7. ഗ്രാമ്പു -2
   

പാകം ചെയ്യുന്ന വിധം

ഒരു പാത്രത്തില്‍ 1 മുതല്‍ 5 വരെയുള്ള ചേരുവകള്‍ നന്നായി യോജിപ്പിക്കുക.ഇങ്ങനെ തയ്യാറാക്കിയ
മിശ്രിതം കുറച്ചെടുത്ത് മാറ്റിവെയ്ക്കുക.

മിശ്രിതത്തിലേയ്ക്ക് കോഴിക്കഷണങ്ങള്‍ ഇട്ട് നന്നായി ഇളക്കി,എല്ലാ ഭാഗത്തും പുരട്ടുക.ഒരു
തുണിക്കഷണമോ മറ്റോ ഉപയോഗിച്ച് ഈ പാത്രം മൂടി 5 മിനിട്ട് സമയം ഫ്രിഡ്ജില്‍ വെയ്ക്കുക.

പാകം ചെയ്യാനുള്ള ഗ്രില്‍ (അടുപ്പ്)ചൂടാക്കുക. ചിക്കന്‍ എടുത്ത് അതിലെ ഗ്രേവി ഒരു പാത്രത്തിലേയ്ക്ക് നീക്കം ചെയ്യുക.അതിനുശേഷം ചിക്കന്‍ ഗ്രില്ലില്‍ വെയ്ക്കുക.

ഇറച്ചി ഒരു കത്തികൊണ്ട് വരഞ്ഞശേഷം മാറ്റിവെച്ചിരുന്ന കൂട്ട് എടുത്ത് അതിനുള്ളില്‍ ചേര്‍ക്കുക.30 മിനിട്ട് നേരം ഗ്രില്‍ ചെയ്യുക.

ശേഷിക്കുന്ന കൂട്ട് ഒരു ചെറിയ സോസ്പാനില്‍ ഒഴിച്ച് ചൂടാക്കുക.ഇടയ്ക്കിടയ്ക്ക് ഇളക്കിക്കൊണ്ടിരിയ്ക്കണം.പാകം ചെയ്ത ചിക്കെന്റെ ഒപ്പം ഈ ഗ്രേവിയും വിളമ്പുക.

മലായി ചിക്കന്‍

ചേരുവകള്‍

1. കോഴി -1 കിലോ
2. അജിനിമോട്ടോ -അര ടീസ്പൂണ്‍
മഞ്ഞള്‍പ്പൊടി -അര ടീസ്പൂണ്‍
തൈര്,uppu -പാകത്തിന്
3. വറ്റല്‍ മുളക് -20
4. മല്ലി -2 ടേബിള്‍ സ്പൂണ്‍
തക്കാളി -അര കിലോ
മല്ലിയില -ഒരു പിടി
വെളുത്തുള്ളി -2 കുടം
ഇഞ്ചി -ഒരു വലിയ കഷണം
കസ്കസ് -1 ടീസ്പൂണ്‍
കുരുമുളക് -10
ഗ്രാമ്പു -12
പട്ട -1 കഷണം
5. തേങ്ങ -1 മുറി
അണ്ടിപരിപ്പ് -15
സവാള -3

പാകം ചെയ്യുന്ന വിധം

3,4,5 ചേരുവകള്‍ നല്ല മിനുസമായി വെവേറെ അരച്ചുവെയ്ക്കുക.കോഴി വൃത്തിയാക്കി ചെറിയ കഷണങ്ങള്‍ ആക്കുക.മൂന്നു ചേരുവകളില്‍ നിന്നും കുറേശ്ശെ എടുത്ത് അതില്‍ രണ്ടാമത്തെ ചേരുവകള്‍ ചേര്‍ത്ത്
ഇറച്ചിയില്‍ പുരട്ടി 2 മണിക്കൂര്‍ വെയ്ക്കുക.പിന്നിട് കോഴിക്കഷണങ്ങള്‍ എടുത്ത് പാചകഎണ്ണയില്‍ പൊരിക്കുക.ബാക്കി എണ്ണയില്‍ 2 സവാള കനം കുറച്ച് അരിഞ്ഞ് വഴറ്റുക.ബാക്കിയുള്ള 3,4,5 ചേരുവകള്‍ ഇതിലിട്ട് വഴറ്റുക.കുറച്ചു വെള്ളം ചേര്‍ത്ത് കോഴി വറുത്തതിട്ടു ഒന്നു തിളപ്പിച്ച്‌ ചാറു കോഴിക്കഷണങ്ങളില്‍
പിടിക്കുമ്പോള്‍ വാങ്ങുക.ഇത് അലങ്കരിച്ചെടുക്കുക.

ചിക്കന്‍ കൊളംഭൂ

ഉള്ളി -2
ടൊമാറ്റോ -അര കപ്പ്
മല്ലി -100 ഗ്രാം
ചുവന്ന മുളക് -5 എണ്ണം
തേങ്ങാപ്പാല്‍ -3 കപ്പ്
ചിക്കന്‍ -250 ഗ്രാം
മല്ലിയില -കുറച്ച്

പാകം ചെയ്യുന്ന വിധം

ചെറുതായി മുറിച്ച ഉള്ളിയും,മല്ലിയും,ചുവന്നമുളകും കുറച്ച് എണ്ണയില്‍ വറുത്തിട്ട് നന്നായി അരച്ചെടുക്കണം.ഒരു പരന്ന പാത്രത്തില്‍ കടുക് വറുത്തിട്ട് ഉള്ളി,ടൊമാറ്റോ,ചിക്കന്‍ എന്നിവ ചേര്‍ത്ത് നന്നായി
വേവിക്കണം.എന്നിട്ട് ഇതില്‍ നേരത്തെ അരച്ച മിശ്രിതം കുഴമ്പുപരുവത്തിലാക്കി ചേര്‍ക്കണം.ഇത് തിളച്ചതിനുശേഷം തേങ്ങാപ്പാലും ഉപ്പും ചേര്‍ക്കണം.വീണ്ടും ഇത് 5 മിനിട്ട് തിളച്ചതിനുശേഷം മല്ലിയില ചേര്‍ത്ത്
ഉപയോഗിക്കാം.

ഹണി ചിക്കന്‍

1. കോഴി തൊലി കളഞ്ഞ് കഷണങ്ങള്‍ ആക്കിയത് - 1 കിലോ
   
2. തക്കാളി അരച്ചത്‌ - 3 എണ്ണം
   
3. നാരങ്ങാ നീര് -1/4 കപ്പ്
   
4. സോയാസോസ് -2 ടേബിള്‍ സ്പൂണ്‍
   
5. തേന്‍ -1/4 കപ്പ്
   
6. ഇഞ്ചി ചെറുതായി അരിഞ്ഞത് -1 കഷണം
   
7. കുരുമുളകുപൊടി -3/4 ടീസ്പൂണ്‍
   
8. ഉപ്പ് -പാകത്തിന്
   

പാകം ചെയ്യുന്ന വിധം

ചേരുവകള്‍ എല്ലാം കൂടി നന്നായി ഇളക്കി യോജിപ്പിക്കുക.ഇത് കോഴിക്കഷണങ്ങളില്‍ തേച്ചുപിടിപ്പിച്ച്
12 മണിക്കൂര്‍ ഫ്രിഡ്ജില്‍ വെയ്ക്കുക.എടുത്തു തണുപ്പ് മാറിക്കഴിയുമ്പോള്‍ ഒരു പാത്രത്തിലാക്കി അടച്ചു വേവിക്കുക.കോഴിക്കഷണങ്ങള്‍ പെറുക്കി മാറ്റിയശേഷം ചാറു തിളപ്പിച്ച്‌ വറ്റി കുഴമ്പു പരുവമാകുമ്പോള്‍
ഇറച്ചി കഷണങ്ങളില്‍ ഒഴിക്കുക.ചില്ലിസോസോ ടൊമാറ്റോ സോസോ കൂട്ടി ഉപയോഗിക്കാം.

ഹണിലൈംചിക്കന്‍

ചേരുവകള്‍

1. കോഴിയിറച്ചി (ചിറകുഭാഗം) -6-20
2. കോണ്‍സ്റ്റാച്ച് -അര കപ്പ്
3. വെളുത്തുള്ളി -2 അല്ലി
4. എണ്ണ വറുക്കാന്‍ ആവശ്യമായത് -ആവശ്യമുള്ളത്
5. ലൈറ്റ് സോയസോസ് -2 ടേബിള്‍സ്പൂണ്‍
ഹൊയിസിന്‍ സോസ് -2 ടേബിള്‍സ്പൂണ്‍
റെഡ് ചില്ലി ഫ്ളേക്സ് -2 ടേബിള്‍സ്പൂണ്‍
ഉപ്പ് -പാകത്തിന്
6. നാരങ്ങാനീര് -1 ടീസ്പൂണ്‍
7. തേന്‍ -4 ടേബിള്‍സ്പൂണ്‍
8. ടോസ്റ്റ്ഡ് സീസെംസീഡ്സ് -1 ടേബിള്‍സ്പൂണ്‍

പാകം ചെയ്യുന്ന വിധം

ചിക്കന്‍ കഴുകി വൃത്തിയാക്കി തുടയ്ക്കുക.(ഈര്‍പ്പംമാറ്റുക)2 ടേബിള്‍സ്പൂണ്‍ കോണ്‍സ്റ്റാച്ച് ഒരു
കപ്പ് വെള്ളത്തില്‍ കലക്കിയിട്ട് ബാക്കി കോണ്‍സ്റ്റാച്ച് പുരട്ടാന്‍ വേണ്ടി മാറ്റി വെയ്ക്കുക.വെളുത്തുള്ളി ചതച്ച്
വെയ്ക്കുക.ഒരു പാനില്‍ ആവശ്യത്തിന് എണ്ണയൊഴിച്ച് ചൂടാക്കി കോണ്‍സ്റ്റാച്ച് പുരട്ടി ചിക്കന്‍ അതിലിട്ട് 4-5 മിനിട്ട് വറുത്തു കോരുക.

പേപ്പര്‍ നാപ്കിനില്‍ വെച്ച് എണ്ണ ഒപ്പിയെടുക്കുക.2 ടേബിള്‍സ്പൂണ്‍ എണ്ണ ഒരു പാനിലൊഴിച്ചു
ചതച്ച വെളുത്തുള്ളിയിട്ട് ചെറുതായി വഴറ്റുക.ഉടനെ തന്നെ അഞ്ചാമത്തെ ചേരുവകള്‍ ചേര്‍ക്കുക.വറുത്ത
ചിക്കന്‍ ഇതിലോട്ടു ഇട്ടിളക്കി കലക്കി വെച്ചിരിയ്ക്കുന്ന കോണ്‍സ്റ്റാച്ച് ഇതിലോട്ടു ചേര്‍ത്ത് നല്ല രീതിയില്‍ ഒരു മിനിട്ട് നേരം ഇളക്കുക.തീ കുറച്ചു നാരങ്ങാനീരും തേനും ഒഴിച്ച് നന്നായി ഇളക്കി 2 മിനിട്ട് നേരം വേവിക്കുക.
ഇതിലേയ്ക്ക് സീസെംസീഡ്‌ തൂകി ചൂടോടെ വിളമ്പുക.