സ്പാനിഷ് ലീഗില്‍ കിരീടം നേടാമെന്ന റയല്‍ മാഡ്രിഡിന്‍റെ മോഹങ്ങള്‍ പൊലിഞ്ഞുവെന്ന് സൂപ്പര്‍ താരം ക്രിസ്റ്റിയാനൊ റൊണാള്‍ഡോ. ഒരു ടെലിവിഷന്‍ അഭിമുഖത്തിലാണ് ഇനി റയലിന് കിരീടം നേടണമെങ്കില്‍ അത്ഭുതങ്ങള്‍ സംഭവിക്കേണ്ടി വരുമെന്ന് റോണോ സമ്മതിച്ചത്.
ഇത് തീര്‍ത്തും നിരാശജനകമാണ്. എങ്കിലും സാഹചര്യങ്ങളെക്കുറിച്ച് തങ്ങള്‍ ബോധവാന്‍‌മാരായേ പറ്റൂവെന്നും റോണോ പറഞ്ഞു. ടീമിലെത്തുന്ന പുതിയ കളിക്കാരും പുതിയ പരിശീലകനുമെല്ലാം ചേര്‍ന്ന് റയലിന് അടുത്ത സീസണില്‍ കിരീടം നേടിത്തരുമെന്നാണ് കരുതുന്നതെന്നും റോണോ പറഞ്ഞു.
സ്പാനിഷ് ലീഗിലെ അവസാന മത്സരത്തില്‍ ബാര്‍സലോണ ഞായറാഴ്ച വല്ലാഡോയ്ഡിനെ നേരിടുമ്പോള്‍ റയലിന് മലഗയാണ് എതിരാളികള്‍. നിലവില്‍ ബാര്‍സയ്ക്ക് ഒരു പോയിന്‍റ് പുറകിലാണ് റയല്‍. ഞായറാഴ്ചത്തെ മത്സരത്തില്‍ ബാര്‍സ സമനില വഴങ്ങുകയോ തോല്‍ക്കുകയോ ചെയ്യുകയും റയല്‍ ജയിക്കുകയും ചെയ്താല്‍ മാത്രമേ റയലിന് ഇനി കിരീട പ്രതീക്ഷയുള്ളു.
ഇപ്പോഴത്തെ ഫോമില്‍ ബാര്‍സ തോല്‍ക്കുമെന്ന് റയലിന്‍റെ കടുത്ത ാ‍ാ‍ാരാധകര്‍ പോലും വിശ്വസിയ്ക്കുന്നില്ല
