കൊല്‍ക്കത്ത: ദക്ഷിണാഫ്രിക്കയില്‍ നടക്കാനിരിക്കുന്ന ലോകകപ്പില്‍ ബ്രസീല്‍
കപ്പ് നേടുമെന്ന് ഇന്ത്യന്‍ ക്രിക്കറ്റ് താരം ഹര്‍ഭജന്‍ സിംഗ്. ഞാന്‍
ഫുട്‌ബോള്‍ അധികം കാണാറില്ല, എങ്കിലും ബ്രസീല്‍ വളരെ നല്ല ടീമാണ്.
അതുകൊണ്ടുതന്നെ അവരാണ് എന്റെ ഇഷ്ട ടീമും- ഹര്‍ഭജന്‍ പറഞ്ഞു.
ഒരു
പ്രചാരണപരിപാടിയുടെ ഭാഗമായി കൊല്‍ക്കത്തയിലെത്തിയതായിരുന്നു ഹര്‍ഭജന്‍.
സിംബാബ്‌വേ പര്യടനത്തിനു പോയ ഇന്ത്യന്‍ ടീമിന് വിജയാശംസകള്‍ നേരാനും
ഹര്‍ഭജന്‍ മറന്നില്ല. കഴിവുള്ള യുവനിരയാണ് ഇന്ത്യയുടേത്. അവര്‍ക്ക്
വിജയാശംസകള്‍ നേരുന്നു- ഹര്‍ഭജന്‍ പറഞ്ഞു.
