കഴിഞ്ഞ
ദിവസമാണ് രണ്‍ബീര്‍ കപൂറിനു നായികയായി നര്‍ഗിസ് ഫക്രി എന്ന ചെക്ക് -
പാക്കിസ്ഥാനി സുന്ദരി ബോളിവുഡിലേക്ക് എത്തുന്നു എന്ന വാര്‍ത്ത വന്നത്.
എന്നാല്‍ രണ്‍ബീറിന്‍റെ പുതിയ ചിത്രം റോക്ക്സ്റ്റാറിലേക്ക് ഇനിയും
നായികയെ കിട്ടിയിട്ടില്ല. അടുത്ത മാസം ഷൂട്ടിങ് തുടങ്ങേണ്ട സിനിമയ്ക്ക്
നായികയെ കിട്ടാത്തത് രണ്‍ബീറി നും സംവിധായകന്‍ ഇംതിയാസ് അലിക്കും
പ്രശ്നമായിക്കഴിഞ്ഞു. ചിത്രത്തില്‍ നര്‍ഗീസ് ഇല്ലെ ന്ന് ഉറപ്പിച്ചെങ്കിലും
വിദേശസുന്ദരിയെ നായികയാക്കാനാണ് സംവിധായകന്‍റെ തീരുമാനം. തന്‍റെ കഴിഞ്ഞ
ചിത്രം ലവ് ആജ് കലില്‍ ബ്രസീലിയന്‍ മോഡല്‍ ജിസെല്ലെ മൊണ്ടീറോയെ
അവതരിപ്പിച്ച ഇംതിയാസ് ഇത്തവണയും പിന്മാറാന്‍ തയാറല്ല. രണ്‍ബീറിന്
യോജിക്കുന്ന നായികയെ കിട്ടുന്നതുവരെ ഹീറോയിന്‍ ഹണ്ടിങ് തുടരും.
ചിത്രത്തില്‍ ഒരു ഡാന്‍സറുടെ വേഷമാ ണ് നായികയ്ക്ക്.
ഇറോസ് ഇന്‍റര്‍നാഷണല്‍ മീഡിയ ലിമിറ്റഡും ശ്രീ അഷ്ടവിനായക് സിനി വിഷനും
ചേര്‍ന്നു നിര്‍മിക്കുന്ന ചിത്രത്തില്‍ റോക്ക്സ്റ്റാര്‍സിന്‍റെ ജീവിതം
വിഷയമാവുന്നു. രാജ്നീതിയുടെ വന്‍ വിജയത്തിനു ശേഷം കരിയറില്‍ ശക്തമായി
തിരിച്ചെത്തിയ രണ്‍ബീര്‍ പുതിയ ചിത്രത്തിലൂടെ യും വിജയം
ആവര്‍ത്തിക്കാമെന്ന വിശ്വാസ ത്തിലാണ്.
