മറഡോണയുടെ അര്‍ജന്‍റീന നിരയില്‍ എസ്റ്റെബാന്‍ കംബിയാസോയും സാവിയര്‍ സനേറ്റിയുമില്ല. ലോകകപ്പിനുള്ള 30 അംഗ അര്‍ജന്‍റീന ടീമില്‍ നിന്നാണ് മറഡോണ സനേറ്റിയയെയും കംബിയാസോവിനെയും ഒഴിവാക്കിയത്. ലിവര്‍പൂള്‍ താരം മാക്സി റോഡ്രിഗ്സിനെ ടീമില്‍ ഉള്‍പ്പെടുത്തിയിട്ടുണ്ട്.
മറഡോണ പരിശീലകനായശേഷം കംബിയാസൊ ഇതുവരെ അര്‍ജന്‍റീനയ്ക്ക് വേണ്ടി കളിച്ചിട്ടില്ല. യോഗ്യതാ മത്സരത്തിനായി ഒരു തവണ ടീമിലെടുത്തെങ്കിലും മറഡോണ കംബിയാസോവിനെ സൈഡ് ബെഞ്ചിലിരുത്തുകയായിരുന്നു.
ഇന്‍റര്‍‌മിലാന്‍ സെന്‍‌ട്രല്‍ ഡിഫന്‍ഡര്‍ വാള്‍ട്ടര്‍ സാമുവല്‍ ടീമില്‍ ഇടം നടിയതും ഏവരെയും അമ്പരിപ്പിച്ചിട്ടുണ്ട്. ലയണല്‍ മെസ്സി, ഗോണ്‍സാലൊ ഹിഗ്വയിന്‍, കാര്‍ളോസ് ടെവസ് എന്നിവര്‍ക്കൊപ്പം ഡീഗൊ മിലിറ്റോ, ഫാബ്രിക്കിയോ കോളൊച്ചിനി, ജൊനാസ് ഗുട്ടീരസ്, സാവിയര്‍ മസ്കാരാനോ, മാക്സി റോഡ്രിഗ്സ് എന്നിവരെയും സ്ട്രൈക്കറായി ടീമില്‍ ഉള്‍പ്പെടുത്തിയിട്ടുണ്ട്.
റയല്‍ മിഡ്‌ഫീല്‍ഡര്‍ ഫെര്‍ണാണ്ടൊ ഗാഗൊ, ബാര്‍സയുടെ സെന്‍‌ട്രല്‍ ഡിഫന്‍ഡര്‍ ഗബ്രിയേല്‍ മിലിറ്റൊ എന്നിവരും ഒഴിവാക്കിയ പ്രമുഖരില്‍ ഉള്‍പ്പെടുന്നു
