Cinema Niroopanam ............!!!!!!!!!!!!!!!!

"പക്ഷെ ഒരു 50 കാരിക്കും 60 വയസ്സുകാരന്‍ പുത്രന്‍ ഉള്ളതായി കേട്ടിട്ടില്ല."

താങ്കളുടെ അറിവിലായ്മ ക്ഷമിച്ചിരിക്കുന്നു. തന്നേക്കാൾ പ്രായം കുറഞ്ഞ നടിമാരെ
അമ്മമാരാക്കുന്നു എന്നതാണു താങ്കൾ മമ്മൂട്ടിക്ക് മേൽ ചുമത്തുന്ന കുറ്റം എങ്കിൽ
ആദ്യം താങ്കൾ കുറ്റപ്പെടുത്തേണ്ടി വരിക മഹനായ നടൻ സത്യനെയും നിത്യ ഹരിത നായകൻ പ്രേം
നസീറിനെയും ആയിരിക്കും. കാരണം കവിയൂർ പൊന്നമ്മ എന്ന നടി ഇവരുടെ അമ്മയായി
അഭിനയിക്കുന്ന സമയത്ത് അമ്മയുടെ പ്രായം എന്താണെന്നും മകന്റെ പ്രായം എന്താണെന്നും
അറിയുന്നതാണല്ലോ..!

പിന്നെ മമ്മൂട്ടി ചെറുപ്പക്കാരികളെ നായികയാക്കുന്നതിനെ
പറ്റി മറുപടി തന്നപ്പോൾ താങ്കൾ അമ്മമാരുടെ കാര്യം എടുത്തിട്ടു. അതിനു മുകളിൽ
കൊടുത്ത മറുപടി വായിച്ചു കഴിയുമ്പോൾ ചില്ലപ്പോൾ താങ്കൾ പെങ്ങമ്മാരുടെയും
അമ്മായിമാരുടെയുമൊക്ക കാര്യം പറയുമായിരിക്കും എന്തെങ്കിലുമൊക്കെ പറയണ്ടേ. പിന്നെ
മമ്മൂട്ടി പ്രായത്തിനനുസരിച്ചുള്ള വേഷങ്ങൾ ചെയ്യുന്നില്ല എന്ന് പറയുന്ന താങ്കളോട്
ഒന്നു ചോദിക്കട്ടെ ഏത് സിനിമയിലാണു മമ്മൂട്ടി പ്രായത്തിനനുസരിച്ചുള്ള വേഷം
ചെയ്യാത്തത്. ഛോട്ടാ മുംബൈ പോലെയുള്ള സിനിമകളിലെ കഥാപാത്രങ്ങൾ അവതരിപ്പിക്കാത്തതാണോ
മമ്മൂട്ടി ചെയ്യുന്ന തെറ്റ്. കൊച്ചു മകളുടെ പ്രായമുള്ള നടിയെ കൊണ്ട് ഇങ്ങോട്ട്
പ്രേമിപ്പിക്കുന്ന വേഷങ്ങൾ ചെയ്യാത്തതാണോ മമ്മൂട്ടിയുടെ കുറ്റം. പിന്നെ പോക്കിരി
രാജ പരാജയ ചിത്രമാണു എന്ന news വന്ന കാര്യം. ദേശാഭിമാനിയിൽ ഇതിനു മുൻപും പല
വാർത്തകളും വന്നിട്ടുണ്ട്. അതിനെയൊക്കെ വ്യത്യസ്ത രാഷ്ട്രീയ കാഴ്ച്ചപ്പാടുകൾ ഉള്ളവർ
എതിർക്കുകയാണു ചെയ്തത്. പക്ഷെ ഈ ഒരു വാർത്ത വന്നപ്പോൾ എല്ലാവരും ഒരു പോലെ
അംഗീകരിക്കുന്നു. പോക്കിരി രാജ പൊളിഞ്ഞു എന്നു പോലും അതിൽ വന്നിട്ടില്ല. ഇത്രയും ദിവസങ്ങൾ ഇത്രയും തിരക്കിൽ ഓടി കൊണ്ടിരിക്കുന്ന ഒരു പടം പൊളിഞ്ഞു എന്ന്
എഴുതാൻ മാത്രം വിണ്ഡികളല്ല അതിന്റെ പത്രാധിപർ. പോക്കിരി രാജ പൊളിഞ്ഞു എന്നത് ഹോട്ട്
ന്യൂസ് ആയി നിങ്ങൾക്ക് തോന്നിയത് കൊണ്ടാണല്ലോ ഇവിടെ ഇട്ടത് എന്നാണു താങ്കൾ
പറയുന്നത്. ആ ലേഖനത്തിൽ അങ്ങിനെ എഴുതിയ ഭാഗം എത്ര പ്രാവശ്യം വായിച്ചിട്ടും ഞാൻ
കണ്ടില്ല. ആ വരികൾ ഇവിടെ ഒന്നു കൊടുത്താൽ ഉപകാരമായിരുന്നു.
കേരളത്തിലെ ഒരു
മാസികകളിലും ഈ സിനിമ പരാജയമാണെന്ന് പറഞ്ഞിട്ടില്ല. ഈ ദേശാഭിമാനിയിലും
പറഞ്ഞിട്ടില്ല. പടത്തിന്റെ നിലവാരത്തെ പറ്റി അഭിപ്രായ ഭിന്നതകളുണ്ടാകാം. പക്ഷെ പടം
ബോക്സ് ഓഫീസിൽ കാഴ്ച്ചവെക്കുന്ന പ്രകടനം കണ്ടില്ലെന്ന് നടിക്കരുത്.
[/size]

Mammu nte kochu penpillerumothulla chuttikkali bhayanakam

super aayittund..........

kidu......

കാട് മുഴുവൻ വിറപ്പിച്ച് കൊണ്ട് ഗർജ്ജനം
മുഴക്കി നടക്കുന്ന സിംഹരാജൻ വയസ്സാവുന്നതോടെ അനങ്ങാൻ കഴിയാതെ അവശനായി
ചത്ത് പോകുന്നതാണല്ലോ പതിവ്. അതു പോലെ തന്നെയാണു പല സിനിമാക്കാരുടെയും
അവസ്ഥ. ഉപ്പുപ്പാന്റെ അപ്പൂപ്പനു ഒരു ആനയുണ്ടായിരുന്നു അതിന്റെ
പുറത്തിരുന്ന തഴമ്പ് ഇപ്പോഴുമുണ്ട് എന്നൊക്കെ വീമ്പിളക്കിയതു കൊണ്ടോ, അ
സ്മരണകൾ അയവിറക്കി കൊണ്ട് സ്വയം രോമാഞ്ചകഞ്ചുകമണിഞ്ഞതു കൊണ്ടോ ഒന്നും
സിനിമ വിജയിക്കില്ല, അതിനു നല്ല ഒരു തിരകഥ വേണം, അത് ഭംഗിയായിട്ട്
സംവിധാനം ചെയ്യാൻ അറിയുന്ന ഒരു സംവിധായകൻ വേണം, എഴുതി വെച്ചത് അഭിനയിച്ച്
പ്രതിഫലിപ്പിക്കാൻ കഴിവുള്ള നല്ല അഭിനേതാക്കൾ വേണം. അങ്ങിനെ ഒരുപാട്
ഘടകങ്ങൾ ഒത്തിണങ്ങുമ്പോഴാണു ഇരു നല്ല സിനിമ പിറക്കുന്നത്. അത് പ്രേക്ഷകർ
നെഞ്ചിലേറ്റുന്നത്. ആ സിനിമ സൂപ്പർ ഹിറ്റും മെഗാ ഹിറ്റുമൊക്കെ ആവുന്നത്.
(ഇതൊന്നുമില്ലെങ്കിലും സിനിമ മെഗാ ഹിറ്റ് ആവും കേട്ടോ) ഒരുപാട് നാളുകളായി
വരും വരുന്നു.. എന്നൊക്കെ പറഞ്ഞ് വാർത്തകളിൽ നിറഞ്ഞ് നിന്നിരുന്ന ഒരു നാൾ
വരും ദൈവസഹായത്തോട് കൂടി ഇന്ന് തിയറ്ററുകളിൽ
വന്നു. ശ്രീനി- ലാൽ കൂട്ട് കെട്ട് ജനങ്ങളിൽ ഉണ്ടാക്കുന്ന പ്രതീക്ഷയുടെ
ഫലമായിട്ടാണു തോന്നുന്നു, അടുത്ത കാലത്ത് ഇറങ്ങിയ മോഹൻലാൽ ചിത്രങ്ങൾക്ക്
ഒന്നും തന്നെ ഇല്ലാത്ത അത്ര തിരക്ക് ഈ സിനിമക്ക്. സിനിമയുടെ കഥയും ഇതിലെ
ട്വിസ്റ്റും സിനിമ ഷൂട്ടിംഗ് സമയത്ത് തന്നെ പുറത്ത് വന്നതാണു. അത് കൊണ്ട്
തന്നെ കാര്യമായ ഒരു ചലനമൊന്നും തിയറ്ററിൽ ഉണ്ടായില്ല. ശ്രീനിവാസന്റെ തിരകഥ
ടി കെ രാജീവ് കുമാർ സംവിധാനം ചെയ്താൽ എങ്ങനെ ഇരിക്കും എന്ന്
ആശങ്കപ്പെട്ടവരോട്, വക്കാലത്ത് നാരായണൻ കുട്ടിയിൽ നിന്നും മുന്നോട്ട്
പോകാൻ അദ്ദേഹത്തിനു സാധിച്ചെങ്കിലും നിരാശപ്പെടുത്തി. അല്ല,
രാജീവ് കുമാറിനെ കുറ്റം പറഞ്ഞിട്ട് കാര്യമില്ല. ശ്രീനിവാസന്റെ ഈ തിരകഥ
കൊണ്ട് മഹാത്ഭുതങ്ങൾ ഒന്നും കാണിക്കാൻ അദ്ദേഹത്തിനു കഴിയുമായിരുന്നുമില്ല.
പിന്നെ മോഹൻ ലാൽ. സിനിമ വിജയിക്കുന്നതും പരാജയപ്പെടുന്നതും അദ്ദേഹത്തെ സംബന്ധിച്ച് ഒരു വിഷയമേ
അല്ലാത്തത് കൊണ്ട് ഒരു നാൾ വന്നാലെന്താ, എത്ര ദിവസം കളിച്ചാൽ എന്താ, പോയാൽ
എന്താ, ദീപസ്തംഭം മഹാശ്ഛര്യം..!. വാരണം ആയിരം നായിക സമീറ റെഡിയെ
മോഹൻലാലിന്റെ നായിക ആക്കാൻ കാണിച്ച ആ ധൈര്യത്തെ സമ്മതിക്കണം. എന്തായാലും
ശ്രീനിവാസന്റെ അത്യുഗ്രൻ തിരകഥ, ലാൽ -ശ്രീനി കൂട്ടുകെട്ട്, കുടുംബ
പ്രേക്ഷകരുടെ നിലയ്ക്കാത്ത പ്രവാഹം എന്നൊക്കെ പോസ്റ്ററിൽ അടിച്ച് ഒരു 75
ദിവസം ഈ സിനിമ ഓടുന്നത് നമ്മൾ കാണേണ്ടി വരും.


*എന്നാലും ദാമോദരേട്ടനോട് ഈ ചതി വേണ്ടായിരുന്നു.

** ചന്ദ്രോൽസവം,ഇവർ,കുരുക്ഷേത്ര എന്നിട്ടും പാഠം പടിക്കാത്ത അങ്ങേർക്ക് ഇതു തന്നെ കിട്ടണം..!!

***ശ്രീനിവാസനും സത്യൻ അന്തികാടിനു പഠിക്കുകയാണു എന്ന് തോന്നുന്നു. ഒരു പാട് പ്രൊഡ്യൂസർമാരെ പാഠം പടിപ്പിക്കാൻ വേണ്ടിയാവും!!

thanks yeldo

thanks Naayakan

അവാര്‍ഡ് വിവാദത്തിന് പിന്നിലെന്ത്?


[You must be registered and logged in to see this image.]


പ്രാഞ്ചിയേട്ടനെ അവതരിപ്പിച്ച മമ്മൂട്ടിയാണോ ആദാമിന്റെ മകന്‍ അബുവിനെ അവതരിപ്പിച്ച സലീം കുമാറാണോ മുന്നില്‍ നില്‍ക്കുന്നത്. ഇത്തവണത്തെ സംസ്ഥാന അവാര്‍ഡ് വിവാദം ഇതാണ്.

പ്രാഞ്ചിയേട്ടന്റെ സംവിധായകന്‍ രഞ്ജിത്താണ് ഇക്കാര്യത്തില്‍ ആദ്യവെടി പൊട്ടിച്ചത്. ഏത് അളവുകോല്‍ വെച്ചു നോക്കിയാലും മമ്മൂട്ടി തന്നെയാണ് മുന്നിലെന്ന് രഞ്ജിത്ത് പറയുന്നു. ജൂറി കമ്മിറ്റി മാത്രം കണ്ട അബുവിന്റെ അഭിനയം രഞ്ജിത്ത് എങ്ങനെ വിലയിരുത്തിയെന്ന സംശയം അപ്പോഴും ബാക്കിയാവുകയാണ്.

എന്തായാലും രഞ്ജിത്തിന് ചുട്ടമറുപടി തന്നെ സലീം കുമാര്‍ നല്‍കി. ജൂറിയില്‍ വിശ്വാസമില്ലായിരുന്നെങ്കില്‍ രഞ്ജിത്ത് സിനിമ പിന്‍വലിയ്ക്കണമായിരുന്നുവെന്നും എപ്പോഴും അവാര്‍ഡ് കിട്ടണമെന്ന് വാശിപാടില്ലെന്നുമായിരുന്നു സലീമിന്റെ കമന്റ്. മികച്ച നടനെക്കുറിച്ചുള്ള മുന്‍വിധികളാണ് ഇതിലൂടെ ഇല്ലാതായത്. മിമിക്രിക്കാര്‍ കോപ്രായക്കാരല്ലെന്ന് ഇതിലൂടെ തെളിഞ്ഞിരിയ്ക്കുന്നു. ഒരുപടി കടന്ന് ജൂറി അംഗം ജെപി ദത്ത എടുക്കുന്നത് പോലൊരു ഷോട്ട് എടുക്കാന്‍ രഞ്ജിത്തിന് കഴിയുമോയെന്ന് വരെ സലീം വെല്ലുവിളിച്ചു.

അവാര്‍ഡ് കിട്ടാത്തതും കിട്ടിയതുമൊന്നുമല്ല ഇപ്പോഴത്തെ വിവാദങ്ങള്‍ക്ക് പിന്നിലെന്നും ചലച്ചിത്രരംഗത്ത് സംസാരമുണ്ട്. മമ്മൂട്ടിയ്ക്കും മോഹന്‍ലാലിനുമൊപ്പം കോമഡി കോമ്പിനേഷന്‍ ചെയ്യുന്ന താരങ്ങള്‍ തമ്മില്‍ ഒരു വേര്‍തിരിവുണ്ടായിട്ടുണ്ടത്രേ. കോമ്പിനേഷന്‍ ശരിയാവാത്ത താരങ്ങള്‍ ഇപ്പോള്‍ ഇരുചേരികളിലായി നില്‍ക്കുന്നു. മമ്മൂട്ടിയ്‌ക്കൊപ്പം മിക്ക സിനിമകളിലും ക്ലിക്കായ താരത്തിന്റെ വരവോടെ കോമഡിരംഗത്ത് ചിലരുടെ ഡിമാന്റ് ഇടിഞ്ഞിരുന്നു. ഇതോടെ ചിലര്‍ ലാല്‍ ക്യാമ്പിലേക്ക് നീങ്ങി. താരങ്ങള്‍ ആരൊക്കെയാണെന്ന് ആര്‍ക്കും ഊഹിയ്ക്കാവുന്നതേയുള്ളൂ. ഇപ്പോഴത്തെ വിവാദത്തിന്റെ ചൂട് കൂട്ടാന്‍ ഇതും കാരണമായിട്ടുണ്ടെന്നാണ് പറയപ്പെടുന്നത്.

എന്തായാലും ആദാമിന്റെ മകന്‍ അബു വിതരണത്തിനെടുക്കാന്‍ മമ്മൂട്ടിയുടെ പ്ലേഹൗസ് ശ്രമിയ്ക്കുന്നത് ശുഭകരമായൊരു വാര്‍ത്ത തന്നെയാണ്. വിവാദം അലിയിച്ചുകളയാന്‍ ഒരുപക്ഷേ ഇതിന് കഴിഞ്ഞേക്കും.


courtesy : [You must be registered and logged in to see this link.] and oneindia.com ( malayalam )

[You must be registered and logged in to see this image.]

നിസ്വര്‍ദ്‌തം ആണ്‌ പ്രണയം എന്ന്‌ നാം വെറുതെ പുലയാട്ട്‌ പറയാറുണ്ടെങ്കിലും, നമ്മുക്ക്‌ അറിയാവുന്ന നമ്മള്‍ ആരും പ്രണയത്തിന്റെ കാര്യത്തില്‍ നിസ്വര്‍ദ്‌തര്‍ ആയിട്ടില്ല, ഒരിക്കലും. പ്രണയം എന്നും നമ്മുടെ സ്വാര്‍ദ്‌തത ആണ്‌. അത്‌ അങ്ങനെ തന്നെ ആകണം എന്ന്‌, യാതൊരു ഉളിപ്പും ഇല്ലാതെ ഓരോരുത്തരും മന്ത്രം പോലെ ഉരുവിടാറും ഉണ്ട്‌ . സ്വാര്‍ദ്‌തം അല്ലാത്ത പ്രണയം പാശ്‌ചാത്യ മാതൃകയില്‍ ഉള്ള, വെറും ലൈംഗിഗ അരാജകത്വം എന്ന്‌ കമ്യുണിസ്‌റ്റ്കാര്‍ അല്ലാത്തവര്‍ പോലും ആക്ഷേപിക്കാര്‍ ഉണ്ട്‌. പറഞ്ഞു വരുന്നത്‌, പ്രണയത്തിന്റെ കാര്യത്തില്‍ , എനിക്കറിയാവുന്ന എല്ലാവരും സ്വര്‍ഥരാണ്‌.

പ്രണയം എന്നും നമ്മുക്കൊരു സ്വകാര്യത മാത്രം ആണ്‌. പങ്കുവയ്‌ക്കപ്പെടാന്‍ ആഗ്രഹിക്കാത്ത ഒരു വെറും, വെറും സ്വകാര്യത. വാസ്‌തവത്തില്‍, ഈ വിശ്വാസം ആണ്‌ ബ്ലെസിയുടെ പ്രണയം കണ്ടിറങ്ങുമ്പോള്‍ തകര്‍ക്കപെടുന്നത്‌. അത്‌ വഴി, വെറും സ്വകാര്യതക്കും അപ്പുറം മറെന്തോ ചിലത്‌ കൂടിയാണ്‌ പ്രണയം എന്ന തിരിച്ചറിവ്‌ ഈ ചിത്രം നല്‍കുന്നു. അത്‌ കൊണ്ട്‌, ഈ സിനിമയെ, ഒരല്‍പം ചങ്കിടിപ്പോടെ എങ്കിലും, എനിക്കിഷ്‌ടമായി. ഈ അഭിപ്രായം തികച്ചും സ്വകാര്യമാണ്‌. അതിനര്‍ത്ഥം തെറ്റ്‌ കുറ്റങ്ങള്‍ ലവലേശം ഇല്ലാത്ത, ലക്ഷണം ഒത്ത ഒരു സിനിമയാണ്‌ പ്രണയം എന്നല്ല. ചൂണ്ടി കാണിക്ക പെടേണ്ട ഒട്ടനവധി പിഴവുകള്‍ ഒറ്റ നോട്ടത്തില്‍ തന്നെ കണ്ടെത്താന്‍ ആകും എങ്കിലും, ഒരു പുതിയ കാഴ്‌ചാനുഭവം ആയി, ഒരു തിരിച്ചറിവായി, ഉണര്‍വായി, എളുപ്പത്തില്‍ സ്വീകരിക്കാന്‍ മടി തോന്നുന്ന ഒരു വേറിട്ട ചിന്താ ശകലം ആയി, ബ്ലെസിയുടെ പ്രണയം ഓണ കച്ചവടത്തിന്‌ ഇടയിലും അതിന്റെ ശക്‌തമായ സാന്നിധ്യം അറിയിക്കുന്നു.

മനോഹരമായ തിരക്കഥയാണ്‌ പ്രണയത്തിന്റെത്‌. ഒരു പക്ഷെ ബ്ലെസി എന്ന സംവിധായകനെ അപ്രസക്‌തനാകി കലയും വിധം മികച്ച രീതിയില്‍ ഈ ചിത്രത്തിന്റെ തിരകഥ ഒരുക്കിയിരിക്കുന്നു. സംഭാഷണ രചനയും അവസരോചിതം. തിരകഥകൃത്ത്‌ എന്ന നിലയില്‍ ബ്ലെസി കൂടുതല്‍ അഭിനന്ദനങ്ങള്‍ അര്‍ഹിക്കുന്നു. പ്രണയത്തെ, മഴയോടും, കടലിനോടും, സമന്വയിപ്പിച്ച ക്യാമറ മാന്‍ സനീഷ്‌ കുറുപ്‌, സംവിധായകന്റെ മനസ്‌ പ്രേക്ഷകരിലേക്ക്‌ എത്തിക്കുന്നു. മേക്കപ്പില്‍ ലിജു, വസ്‌ത്രാലങ്കരത്തില്‍ ശങ്കര്‍ സമീര്‍ , ആര്‍ട്ടില്‍ പ്രശാന്ത്‌ മാധവ്‌ , തുടങ്ങിയവര്‍ തങ്ങളുടെ ജോലി ഭംഗിയായി നിര്‍വഹിച്ചു. ചിത്ര സംയോജകാന്‌ ഏറെ ചെയ്യാനുള്ള ചിത്രത്തില്‍, രാജ മുഹമ്മദ്‌ എഡിറ്റിംഗ്‌ നന്നായി ചെയ്‌തു. ഓ. എന്‍ വി. രചിച്ചു എം . ജയചന്ദ്രന്‍ ഈണം നല്‍കിയ ഗാനങ്ങള്‍ക്ക്‌ തുടര്‍കേള്‍വികളില്‍ ഇന്‌ബം ഏറുന്നു.

ബ്ലെസ്സി വച്ച്‌ നീട്ടിയ നായക കഥാപാത്രത്തെ ഉപേക്ഷിച്‌ സഹനടനെ തിരഞ്ഞെടുത്ത മോഹന്‍ലാലിന്‍റെ കരങ്ങളില്‍ മാത്യുസ്‌ ഭദ്രം. പക്ഷെ നായകന്‍റെ വേഷം അനുപം ഖേരിനു ഉള്‍ കൊള്‌ലാവുന്നതിനും ഏറെ അപ്പുറത്താണ്‌ എന്ന്‌ പറയാന്‍ തോന്നുന്നു. മോഹന്‍ ലാലിന്‍റെ കഥാപാത്രം അഭിനയ സാധ്യത പാത്ര സൃഷ്‌ടിയില്‍ തന്നെ ഒളിച്ചിരിപ്പുള്ളതാണ്‌. അഭിനയിക്കാന്‍ അറിയാവുന്ന ഒരു നടന്‌, അതും, സൂപര്‍ താരം എങ്കിലും,മോഹന്‍ ലാലിനെ പോലെ നല്ല നടന്‍ കൂടിയായ ഒരാള്‍ക്ക്‌ അനായാസം വിജയിപ്പിക്കാന്‍ കഴിയുന്നത്ര അഭിനയ സാധ്യതയുള്ള ഒരു കഥാപാത്രം. എന്നാല്‍ അച്ചുത മേനോന്‍ ഏതൊരു അഭിനേതാവും ഭയക്കുന്ന ഒരു കെണിയാണ്‌. പക്ഷാഘാതത്തെ തുടര്‍ന്ന്‌ കിടക്കയില്‍ വിശ്രമിക്കുന്ന മത്യുസിന്റെ അവസ്‌ഥയല്ല ജീവിതത്തില്‍ തന്നെ അഭിനയിക്കാന്‍ മറന്നു പോയ അച്ചുത മേനോന്റെത്‌. വളരെ റിസ്‌ക് ഏറിയ ഈ കഥാ പത്രം നിരസിച്ചു മറ്യുസിനെ തിരഞ്ഞെടുത്തത്‌ വഴി മോഹന്‍ലാല്‍ താനൊരു ബുദ്ധിമാന്‍ ആണെന്ന്‌ കൂടി തെളിയിക്കുന്നു.അനുപം ഖേരിനു അച്ചുതാനോ മേനോനോ ആകാന്‍ ആയില്ല. അനുപം ഖേരിനു സംഭവിച്ച ഈ പരാജയമാണ്‌, വാസ്‌തവത്തില്‍ മോഹന്‍ലാലിനു ലഭിച്ച അംഗീകാരം. ജയപ്രദ തന്റെ വേഷം മനോഹരമാക്കി. അനൂപ്‌ മേനോന്‍ , കൊച്ചു വായില്‍ വലിയ വര്‍ത്താനം പറയുന്ന യുത്ത്‌ ഫെസ്‌റിവല്‍ നാടക വേദിയിലെ സ്‌കൂള്‍ കുട്ടിയെ അനുസ്‌മരിപ്പിച്ചു. അപാരമായ അനായാസത തനിക്കുണ്ടെന്ന്‌ ആരെയൊക്കെയോ കഷ്‌ട പെട്ട്‌ ബോധ്യ പെടുത്താന്‍ ശ്രമിക്കുന്നത്‌ പോലെ. ധന്യ മേരി ചെറുതെങ്കിലും വേഷം നന്നാകി. ഇക്കാലത്തെ പ്രണയം സുരേഷിന്റെ മകളിലൂടെയും അവളുടെ കുസൃതി കാമുകനില്‍ കൂടിയും ചിത്രത്തില്‍ കാട്ടുന്നുണ്ട്‌. ജെനരെഷന്‍ ഗാപ്‌ എന്ന ക്ലീഷേയെക്കാള്‍ ഉപരി മനോഹരമായി അത്‌ ചിത്രത്തില്‍ ടാഗ്‌ ചെയ്‌തിട്ടുണ്ട്‌.

ചിത്രത്തിന്റെ ആശയത്തിന്‌, പോള്‍ ക്ലോക്‌സ് സംവിധാനം ചെയ്‌ത ഇന്നോസേന്റ്‌സ് എന്ന ആസ്‌ത്രേലിയന്‍ ചിത്രവുമായി സാമ്യങ്ങള്‍ ഏറെ ഉണ്ടെങ്കിലും തനതെന്നു അഭിമാന പൂര്‍വ്വം പറയാവുന്ന രീതിയില്‍ ബ്ലെസ്സി അതിനെ കൈകാര്യം ചെയ്‌തിട്ടുണ്ട്‌. പ്രണയം എനിക്ക്‌ ഇഷ്‌ടപ്പെട്ടു. ചിത്രത്തിന്റെ ക്‌ളൈമാക്‌സ്, നിലവിലുള്ള പ്രണയ നിര്‍വചനങ്ങളില്‍ നിന്നും പ്രണയത്തെ വേര്‍തിരിക്കാന്‍ ഉതകുന്നതാണ്‌. കേവല രതിക്കും അപ്പുറം മറ്റെന്തൊക്കെയോ കൂടിയാണ്‌ പ്രണയമെന്ന ഒരു തോന്നല്‍ പോലും മനസിനു ഇമ്പം ഏകുന്നു , പ്രത്യേകിച്ച്‌ മനസിന്‌ പോലും വാര്‍ധക്യം പിടിച്ചു, മരിച്ചു ജീവിക്കുന്ന ഞങ്ങള്‍ കുറെ നഗര ജീവികള്‍ക്ക്‌.


source : [You must be registered and logged in to see this link.]